“Narkotiklərə qarşı milli təbliğat ofisi” “Dağlıq Qarabağda narkotrafik” adlı kitabça dərc edib.
Bu qurum BMT-nin və Avropa İttifaqının “Cənubi Qafqazda narkotiklərə nəzarət” üzrə İnkişaf Proqramı (SCAD) bazasında yaradılıb.
Kitabça Ofisin ilk addımıdır, növbəti addım isə region üzrə hesabatın hazırlanması olacaq. Məqsəd Dağlıq Qarabağda narkotik istehsalı məsələsini BMT və narkotiklərin qanunsuz dövriyyəsi ilə məşğul olan qurumların gündəliyinə çıxarmaqdır.
Kitabçada deyilir ki, əvvəllər Ermənistan tərəfindən işğal edilmiş ərazilərdən narkotik daşınması üçün tranzit kimi istifadə olunurdu, indi isə “bəzi mənbələrin məlumatına görə, orada xüsusi laboratoriyalarda narkotik maddələr yetişdirilir və istehsal edilir”.
Daha sonra qeyri-rəsmi məlumatlara istinad edən müəlliflər yazır ki, istehsal edilən yüksək keyfiyyətli narkotiklər Dağlıq Qarabağ-İran-Azərbaycan-Rusiya, habelə DQ-İran-Azərbaycan-Avropa və Ermənistan-Gürcüstan-Qara dəniz-Avropa marşrutu ilə Avropa və Rusiya bazarlarına daşınır. Bu zaman müəlliflər informasiya mənbələrinə heç bir istinad etmir.
Turan-ın bunu təsdiq edən sənədlər və faktlar haqqında sualına cavabda “Narkotiklərə qarşı milli təbliğat ofisi” ictimai birliyinin rəhbəri Məzahir Əfəndiyev bildirib ki, “belə faktlar çoxdur”.
Onun sözlərinə görə, məsələ ondadır ki, “bütün bu faktlar yoxlanılmalıdır”. Lakin söhbət işğal edilmiş ərazilərdən getdiyi üçün Azərbaycan tərəfi onları yoxlaya bilmir.
“Bizim vəzifəmiz bu faktları diqqətlə yoxlamaq üçün daha çox imkanı olan dünya ictimaiyyətinin diqqətini bu faktlara cəlb etməkdir”, deyə Məzahir Əfəndiyev bildirib. -04DB-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz