Bakı/05.03.23/Turan: Ermənistan mətbuatının məlumatına görə, bu gün səhər saatlarında Qarabağda erməni separatçılarının polis maşını atəşə tutulub.
Atışma nəticəsində 3 polis əməkdaşı - polkovnik-leytenant Armen Babayan, mayor David Danielyan, leytenant Ararat Qasparyan həlak olub.
Digər leytenant David Hovsepyan isə güllə yarası alıb.
Ermənistan KİV-ləri xəbər verir ki, hadisə Xankəndidən Şuşa rayonunun separatçıların nəzarətində olan Qaybalı kəndinə gedən yolda baş verib.
Azərbaycan tərəfi hələlik silahlı insidentlə bağlı məlumatı şərh etməyib.
Azərbaycan teleqram kanallarının məlumatına görə, ermənilər həmin yoldan Ermənistandan Qarabağa gizli şəkildə silah daşımaq üçün istifadə ediblər.
Hadisə Laçın-Şuşa yolunda ekoaktivlərin aksiyası keçirildiyi yerdən bir neçə kilometr aralıda baş verib.—06B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz