“Qarabağ” FK cümə axşamı Selanikdə yerli PAOK-u 1:0 hesabı ilə məğlub edərək, Azərbaycan futbolu tarixində ilk dəfə olaraq Avropa Liqasının 1/16 finalına çıxmaq şansını xeyli yaxşılaşdırıb.
69-cu dəqiqədə yeganə qolu əvəzə çıxan “Qarabağ”ın yarımmüdafiəçisi Miçel atıb. Cərimə meydançası önündə topu alan Miçel onu dəfedilməz zərbə ilə rəqib qapısına göndərib.
İki həftə əvvəl “Qarabağ” PAOK-u yenə 2:0 hesabla məğlub etmişdi.
J qrupunun digər maçında İtaliyanın “Fiorentina” klubu Çexiyanın “Slovana” klubunu əminliklə məğlub edib – 3:0. 4 oyundan sonra qrupa 10 balla “Fiorentina” liderlik edir, ikinci yerdə 7 balla “Qarabağ” gəlir, PAOK 4 balla üçüncü yeri tutur. Qrupun turnir cədvəlində sonuncu yeri cəmi 1 balla “Slovan” tutur.
“Qarabağ”ın qalan iki oyunu “Slovan”la rəqib meydançasında və “Fiorentina” ilə öz meydançasında keçiriləcək. -06D-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz