Qaxda prezidentin gəlişinə hazırlaşırlar
Bakı/31.07.17/Turan: Prezident İlham Əliyev avqustun əvvəlində Qax rayonuna gedəcək. Rayonun büdcə təşkilatlarının işçiləri prezidentin gəlişinə hazırlaşaraq yol boyunca kolları kəsir, otu biçirlər. Dövlər başçısının yeni avtomobil yolunu, iki uşaq bağçasını, yerli Bayraq Meydanını və Dövlət Kənd Təsərrüfatı Nazirliyinin Qax bölməsini açacağı gözlənilir.
Yerli sakinlərin prezidentdən istəyi çoxlu iş yerlərinin açılmasıdır. Çünki Qaxda total işsizlikdir. Şəhərlilər kənd təsərrüfatı, əkinçilik və heyvandarlıqla məşğul ola bilmir. Belə ki, şəhər sakinləri olaraq torpaq ala bilməyiblər. Bəzi dövlət təşkilatlarında, məktəb, uşaq bağcası, texniki litsey, üç bankın filialı, fındıq yığımı üzrə alış məntəqələri, tütün müəssisəsi, məişət evləri və s. yerlərdə işlər var ki, bu da azlıq təşkil edir.
Son illər turist axını ilə əlaqədar İlisu və Ağçay kəndlərində çoxlu restoran və otel tikilib. Kəndlilər öz evlərini və otaqlarını turistlərə verirlər.
Qaxda iş tapa bilməyənlər qazanc dalınca Zaqatala, Şəki, Bakı, Rusiya və Türkiyəyə gedirlər.
Ancaq dövlət müəssisələrində çalışanlar stabil işlə təmin olunublar. Ancaq onların da əmək haqqı çox azdır. Bəzən onun da bir hissəsini məlum olmayan dövlət məqsədləri üçün yığırlar, adının çəkilməsini istəməyən bir müəllim telefonla Turan-a bildirib.
Bundan öncə İ.Əliyev Qaxa gedəndə sakinləri ona yaxın buraxmayıblar. Onları küçələrdən dağıdaraq öz evlərinə getməyi tələb ediblər.
Qax rayonu Azərbaycanın Şəki-Zaqatala iqtisadi zonasına daxildir. Rayonda 60 minə yaxın adam yaşayır. Azərbaycanlılardan sonra gürcülər-ingiloylar çoxluq təşkil edir.-0-
-
- Maliyyə
- 31 İyul 2017 11:42
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz