Dekabrın 10-da Qazaxıstanın paytaxtı Astanada “Söz azadlığının məhdudlaşdırılmasının həddi və İnternetdə informasiyanın yayılması” Beynəlxalq Gənclər Hüquq Forumunun final hissəsi başa çatıb. Forumun layıqlı qalibi Ukraynadan tələbə komandası olub. İkinci yeri Qazaxıstan komandası tutub.
Forum Beynəlxalq İnsan Hüquqları Gününə həsr olunub və dörd seçmə mərhələni əhatə edib. Birinci mərhələ noyabrın 20-də keçirilib.
Hər iki komanda finala çıxıb. Püşkatma nəticəsində tərəflər İnternet azadlığının məhdudlaşdırılmasına tərəfdar (Qazaxıstan) və məhdudiyyətlərin əleyhinə (Ukrayna) formatında yarışıblar.
Qazaxıstan komandası öz mövqeyini daha yaxşı əsaslandırsa da məğlubiyyətə uğrayıb. Çünki gənclərdən ibarət auditoriyada Münsiflər Heyətinin üzvləri arasında komanda ilə həmrəy olanlar olmayıb.
Final hissədə Münsiflər Heyətinin üzvləri məruzə ilə çıxış ediblər. Onlar auditoriyanın suallarına, əsasən İnternet azadlığına qanunverici məhdudiyyətlər, özünütənzimləmə, şəxsi informasiyanın qorunması, hökumətin açıqlığı ilə bağlı suallara cavab veriblər.
Ekspertlərə daha maraqlı suallar verən komandalara və tələbələrə mükafatlar verilib. Münsiflər Heyətinə Qazaxıstan, Bolqarıstan və Azərbaycandan ekspertlər daxil olub. Azərbaycanı Turan İnformasiya Agentliyinin direktoru Mehman Əliyev təmsil edib.
Forum Qazaxıstan Dövlət Hüquq Universiteti, ATƏT və Soros Fondunun himayəsi altında keçirilib.—0—
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz