Qeydiyyatdan keçməyən QHT-lərin məhkəmələrə müraciətləri artır
Demokratik Təsisatlar və İnsan Hüquqları İctimai Birliyi (DTİHB) “Qeydiyyatdan keçməyən QHT-lərin məhkəmələrdə müdafiəsinin təşkili” layihəsinə yekun vurub.
Layihə ABŞ-ın Azərbaycan səfirliyinin demokratiya komissiyasının kiçik qrantlar proqramı çərvəsində maliyyələşdirilib. Qurumun rəhbəri Elçin Abdulla layihənin əsas məqsədi kimi QHT-lərin dövlət qeydiyyatına alınması üçün qeydiyyat sənədlərinin hazırlanmasını, qeydiyyata alınmayan QHT-lərin məhkəməyə müraciət üçün iddialarının hazırlanmasını və müdafiə olunmasını göstərib. Layihənin icra olunduğu 12 ay ərzində 150-yə qədər QHT hüquqi xidmət üçün quruma müraciət edib. 70 QHT dövlət qeydiyyatına alınmaq üçün dəfələrlə müraciət edib. İndi 12 iş 1 saylı Bakı İnzibati-İqtisadi, 8 iş Bakı Apellyasiya məhkəmələrinin, 15 iş isə Ali Məhkəmənin icraatındadır. 8 iş Avropa məhkəməsinə təqdim edilib, yaxın günlərdə daha 4 işin Avropa məhkəməsinə təqdim olunması nəzərdə tutulur.
Məhkəmələrə müraciət edən QHT-lər sırasında elələri var ki, bu qurumlar iki il müddətində dövlət qeydiyyatına alınması üçün Ədliyyə Nazirliyinə 8-10 dəfə müraciət ediblər. Amma nazirliyin Hüquqi şəxslər və vətəndaşlıq vəziyyəti İdarəsi müxtəlif bəhanələrlə qeydiyyata almaqdan imtina edib. Layihə təşkilatçıları Ədliyyə Nazirliyinin bu mövqeyini vətəndaşların birləşmək azadlığının təmin olunmasında, vətəndaş cəmiyyəti institutunun inkişafında maraqlı olmaması kimi dəyərləndirib. Layihə təşkilatçıları bu məsələdə məhkəmələri də nazirliklə eyni mövqedə durmaqda ittiham ediblər.
E.Abdulla DTİH İB “Qeydiyyatdan keçməyən QHT-lərin məhkəmələrdə müdafiəsinin təkşili” layihəsinin bundan sonra Almaniyada yerləşən “Dunya üçün Çörək” təşkilatının dəstəyilə davam etdirəcəyini söyləyib.-05D-
-
- İqtisadiyyat
- 12 Avqust 2013 14:41
-
- İqtisadiyyat
- 12 Avqust 2013 14:52
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz