QHT-lər BMT Bakı ofisini və ombudsmanı ictimai qınağa çəkir

Milli və Beynəlxalq Araşdırmalar Mərkəzi bu günlərdə “Qafqaz” mehmanxanasında “Universal Dövri İcmal: milli məşvərət və rəy bildirmə məqsədi ilə təşkil olunan növbəti stratejı görüş” adlı konfrans keçirib. 

Müzakirələr nəticəsində tədbir iştirakçıları BMT-nin Bakı ofisi və Azərbaycan ombudsmanını ictimai qınağa cəlb etmək qərarı verib. 

Mülkiyyətin müdafiəsi ictimai birlyinin rəhbəri Zöhrab İsmayıl Universal Dövri İcmalın hər 5 ildə bir dəfə BMT tərəfindən insan haqlarının bütün sahələri üzrə hazırlandığını söyləyib. Bu icmal ayrı-ayrı dövlətlərin insan hüquqlarına dair BMT-yə məruzələri əsasında hazırlanır, sonra hər ölkə üzrə ekspertlər bu icmala tövsiyələrini verir. Daha sonra icmal hökumətlərə təqdim edilir və tövsiyyələrin qəbul edilib edilmədiyi bildirilir.

Z.İsmayıl tədbirdə səslənən BMT Bakı ofisinin ölkənin vətəndaş cəmiyyəti institutlarının tədbirlərinə qatılmaması fikrinin fakt olduğunu nəzərə çatdırıb. Bu ofisin ölkə vətəndaş cəmiyyəti institutlarından “yan” gəzdiyini qeyd edib. Bu məsələni ölkə ictimai qurumlarının BMT İnsan Haqları Şurası önündə qaldırmaq hüququ var və bundan da istifadə edilir.

Z.İsmayıl ombudsmanın da tədbirə qatılmamasına diqqət çəkib və tədbir iştirakçılarının hər iki qurumu qınağa çəkmək məsələsində haqlı olduğunu qeyd edib. -05D/B-