Sadir Japarov
Bakı/05.06.23/Turan: Qırğızıstanda dövlət çevrilişi cəhdinin qarşısı alınıb, kütləvi həbslər aparılır, bu barədə Bişkek KİV-ləri məlumat yayıb. Amma bu ölkədə jurnalistlərin təqsirləndirilən və ya şübhəli şəxslər haqqında məlumatı yoxdur.
Bişkek KİV-lərindən birinin müxbiri Turan-a prezident Sərdar Japarovun və Dövlət Milli Təhlükəsizlik Komitəsinin rəhbəri Kamçıbek Taşiyevin əleyhdarlarının saxlanıldığını bildirib. "Qırğızıstanda onları "eki dosı" (iki dost) adlandırırlar. Hakimiyyəti və şəxsən adı çəkilən iki rəhbəri tənqid edən jurnalistlər, blogerlər, siyasətçilər naməlum yerə aparılıb. Bizim hər birimizi həbs edə bilərlər. Tam qanunsuzluq hökm sürür", deyən jurnalist adının açıqlanmamasını xahiş edib.
"İki ağılsız, onlar əvvəl müttəfiq idilər, sonra bir-biri ilə münaqişə aparıblar, indi birlikdə, Rusiyanın himayəsi altındadırlar. Rejimlərini tənqid edən hər kəsi həbs edirlər. Korrupsionerləri də saxlayırlar, amma onlardan pul alıb dərhal buraxırlar. Putinin nümayəndəsinin - Peskovun bəyanatı bizi narahat edir, onun şərhi xoşagəlməz nəticələr çıxarmağa vadar edir, sanki bir təxribat baş verir", deyə bişkekli jurnalist əlavə edib.
24.kg informasiya agentliyinin öz mənbələrinə istinadla verdiyi məlumata görə, Qırğızıstan Dövlət Milli Təhlükəsizlik Komitəsinin əməkdaşları "mümkün dövlət çevrilişinin iştirakçılarının" kütləvi həbsini həyata keçirib. Agentliyin məlumatında qeyd edilir ki, bir qrup şəxs hakimiyyəti zorla ələ keçirməyə hazırlaşırdı. Xüsusi xidmət orqanının konkret olaraq kimi saxladığı dəqiqləşdirilmir. Hüquq-mühafizə orqanları hələlik bu məlumata rəsmi şərh vermir.
"Şübhəsiz, çox narahatedici xəbərlər gəlir. Buna görə biz bu xəbərləri diqqətlə izləyirik", deyə Kremlin nümayəndəsi Peskov jurnalistlərə bildirib.
Dünən prezident Sərdar Japarov Qırğızıstanın Aİ ilə münasibətlərini yaxşılaşdırmaq niyyətini ifadə edib. Aİ Şurasının prezidenti Şarl Mişel Bişkekə səfər edib. Qırğızıstan KTMT hərbi blokunun və Aİİ iqtisadi ittifaqının üzvüdür, özünü Rusiyanın müttəfiqi elan edir. Amma mayda ölkədə Rusiya qoşunlarının tərkibində Ukraynaya qarşı döyüşən yerli sakin nümayişkaranə şəkildə 10 il müddətinə həbs edildi. Çox güman ki, Japarov və Taşiyev Rusiyadan uzaqlaşmaq üçün siyasi sahəni təmizləyir. 0
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz