�Qırmızı Körpü�də problem yaranıb

Azərbaycan Dövlət Gömrük Komitəsi (DGK) Gürcüstan sərhəddinda yaranan problemlə bağlı açıqlama yayıb.

Açıqlamada bildirilir ki, mayın 2-də saat 19:35-dən Qərb Ərazi Baş Gömrük İdarəsinin Gürcüstanla sərhəddə yerləşən "Qırmızı Körpü" gömrük postunda şəxslərin və nəqliyyat vasitələrinin keçidində müvəqqəti məhdudiyyət yaranıb. Məhdudiyyətin yaranmasına Gürcüstanın sərhədkeçmə proseslərini tənzimləyən müvafiq idarəetmə sistemində baş verən nasazlıq səbəb olub.

Mayın 2-də saat 23:30-da baş verən nasazlıq aradan qaldırılıb, şəxslərin və nəqliyyat vasitələrinin keçidi tam bərpa olunub. Hazırda "Qırmızı Körpü" gömrük postu normal iş rejimində fəaliyyət göstərir.

Xatırladaq ki, bundan əvvəl də ayrı-ayrı vaxtlarda "Qırmızı Körpü" gömrük postunda nəqliyyat vasitələrinin və vətəndaşların uzun növbələrinin yaranması ilə bağlı şikayətlər eşidilib.Vətəndaşlar əsasən bunu Azərbaycan tərəfində bürokratik maneələrlə izah ediblər. Hərçənd, Azərbaycan gömrükçüləri bununla bağlı tənqidləri qəbul etmirlər.--0--