Qiyas İbrahimovun apellyasiya şikayətinə baxılması təxirə salınıb

Bakı/22.05.17/Turan: Mayın 22-də Bakı Apellyasiya Məhkəməsində NİDA Hərəkatının üzvü, Heydər Əliyevin heykəlinin postamentinə şüar yazandan sonra həbs olunan Qiyas İbrahimovun məhkəməsi davam etdirilib. Bunu vəkil Elçin Sadıqov bildirib.

Vəkil deyib ki, Q.İbrahimovun gözlərində ciddi problemlər var. Amma saxlanıldığı istintaq təcridxanasında ona heç bir tibbi yardım göstərilmir.

Problemlər əlaqədar 1 saylı Bakı İstintaq Təcridxanasının rəhbərliyinə müraciət edilib. Amma deyiblər ki, müayinə və müalicə üçün Apellyasiya Məhkəməsinin razılığı olmalıdır və təcridxanaya razılıq məktubu göndərilməlidir.

Amma məhkəmə vəsatəti təmin etməyib və hakim bildirib ki, qanunvericilikdə məhkumun istədiyi həkim tərəfindən müayinə və müalicə olunmaq hüququ nəzərdə tutulsa da, bu hüququn gerçəkləşməsi şəxsin saxlandığı müəssisənin rəhbərliyinə həvalə olunub.

Məhkəmə çəkişməsinin mahiyyətinə gəlincə, müdafiə tərəfi diqqəti ona yönəldib ki, istintaq kobud qanun pozuntuları ilə keçirilib, fəal işgəncələrə məruz qalıb və vu sübutlar səhih sayıla bilməz.

Proses mayın 31-də davam edəcək.

Q.İbrahimov külli miqdarda narkotik maddənin qanunsuz dövriyyəsi ittihamı ilə 10 il azadlıqdan məhrum edilib.

Amnesty International onu vicdan məhbusu kimi tanıyıb.05D06--