QMİ müraciət yaydı: Toyda da, yasda da ifrat dəbdəbəyə yol vermək olmaz
Qafqaz Müsəlmanları İdarəsi (QMİ) ölkədə dəbdəbəli toy və yas məraismlərilə bağlı növbəti müraciət yayıb.
Sənəddə QMİ-nin bu tipli sənədi ilk dəfə hələ 2011-ci ildə yaydığı xatırladılır.
Müraciətdə bu gün ölkənin toy və yas mərasimlərində bəzən ifrata varan və dinə aidiyyatı olmayan hərəkətlərin ictimaiyyət arasında narahatlıq doğurduğu qeyd edilib. Bu narahatlığa nümunə olaraq dəbdəbəli toy və yas mərasimlərinin keçirilməsi, məzar yerlərinin satılması, dəbdəbəli qəbirüstü abidələrin yaradılması göstərilir.
Sənəddə qeyd olunur ki, QMİ-nin ictimaiyyət nümayəndələri bu məsələyə əvvəlki illərdə bir neçə dəfə mövqe bildirsə də, təklif və tövsiyələr cəmiyyətdə tam tətbiqini tapa bilməyib. “Bu mərasimlərin milli adət və dini ənənələrə uyğunluğunu iddia edənlər şəxsi mənafeləri naminə dinin qayda və qanunlarını təhrif edirlər”, - deyə sənəddə toy və ya yasda dəbdəbəyə üstünlük verənlərə mövqe ifadə edilir.
Müraciətdə “Quran-i-Kərim”ə isnadən müsəlmanların övladına toy etməsi və ya mərhumlarına ehsan verməsi dini baxımdan bəyənilən və təqdir olunan əməl kimi göstərilir. Amma hər iki mərasimdə israfa yol verilməsinin bəyənilməz olduğu xatırladılır.
Müraciətdə qəbirüstü abidələrin hazırlanmasındakı ifrat dəbdəbə və təkəbbürün nümayişinin yas və toy mərasimlərindən geri qalmadığı vurğulanır. İslamın qənaət, sadəlik dini olması, zahiri təmtəraq sevməməsi nəzərə çatdırılır. Bahalı məzar daşlarının, qəbirüstü abidələrin düzəldilməsinin islam normalarına zidd olduğu xalqa xatıraladılır. QMİ son olaraq cəmiyyətin bütün təbəqələrini illərlə formalaşmış islami qaydaların, milli adət-ənənələrin qorunmasına riayət etməyə, KİV-i bu yöndə fəal yardımçı olmağa çağırır. -05D-
-
- Sual-cavab
- 22 Oktyabr 2014 18:09
-
- Siyasət
- 22 Oktyabr 2014 18:55
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz