QMİ Nardaranda güc tətbiqi ilə həyata keçirilən əməliyyatı dəstəkləyir

Nardaran hadisələri Qafqaz Müsəlmanları İdarəsinin (QMİ) bugünki müşavirəsində əsas mövzu olub.

Şeyx Allahşükür Paşazadə qeyd edib ki, “bu hadisələr bizi məyus edib”. Onun fikrincə, “bunun dinlə əlaqəsi yoxdur”, bu, “dövlətə qarşı çıxmaq, terrordur”. Taleh Bağırzadə və onunla birlikdə olanlar dövlətə qarşı çıxırdılar, şeyx belə hesab edir.

Eyni zamanda, Paşazadə hesab edir ki, Nardaran ağsaqqalları və sakinləri buna qarşı idilər, qanunazid əməlləri “gəlmələ” həyata keçiriblər.

“Bu hadisələrin kökü xaricə dayanır”, deyən şeyx İran və Türkiyəni deyil, “daha uzaq ölkələri” nəzərdə tutduğunu qeyd edib, amma kimdən bəhs etdiyini dəqiqləşdirməyib.

Şeyx həmçinin “dini ekstremizm” ifadəsinə qarşı çıxıb, belə ki, din ekstremizmlə bir araya sığmır.

Dini məsələlər üzrə dövlət müşaviri Kamal Abdulla Nardarandakı hadisələri “gənc dövlətin demokratiya yolunda həyəcan” adlandırıb.

Nardaranda bundan əvvəl də müxtəlif hadisələr baş verib və hakimiyyət müyyən güzəştlərə gedib. Amma bu dəfə dövlətin təməlləri təhlükə altındadır, deyə o bildirib.

Dini Qurumlarla İş üzrə Dövlət Komitəsinin rəhbəri Mübariz Qurbanlı qeyd edib ki, islam siyasətə qarışan din deyil. “Onu sadəcə olaraq siyasət alətinə çevirmək istəyirlər”.

O, Qurana və Peyğəmbərin hədislərinə əsaslanan ənənəvi islamın əsaslarını möhkəmləndirməyə çağırıb.

Parlamentin dini qurumlar və ictimai birliklərlə iş komitəsinin rəhbəri Siyavuş Novruzov hesab edir ki, işi güc tədbirlərinə qədər çatdırmamaq üçün profilaktik və maarifləndirici tədbirlərə ehtiyac var.

QMİ-nin nəzarəti altında olan məscidlərin axundlarının da iştirak etdiyi müşavirənin yekunlarına görə Azərbaycan prezidentinə müraciət qəbul edilib. Sənəddə Nardaran hadisələri dövlət çevrilişinə cəhd kimi qiymətləndirilir, dövlətin siyasətinə dəstək ifadə olunur. -06С-