QMİ sədri: İran Azərbaycan əlaqələrinin güclənməsinə mane olmaq istəyən qüvvələr var

Qafqaz Müsəlmanları İdarəsinin (QMİ) sədri, Şeyxülislam Allahşükür Paşazadə çərşənbə günü İranın “İslami Əlaqələr və Mədəniyyət” təşkilatının sədri Əbuzər İbrahimi Türkməni qəbul edib.

A.Paşazadə Azərbaycan müstəqillik əldə etdikdən sonra dünya dövlətləri, o cümlədən İranla əlaqələri inkişaf etdirdiyini deyib. Bu sahədə uğrular olduğunu söyləyib. Eyni zamanda, QMİ sədri bu əlaqələrin inkişafını istəməyən qüvvələrin də olmasına işarə edib.

Azərbaycanda islamın inkişafından danışan A.Paşazadə sovet dönəmində cəmi 17 məscidi və bir ziyarətgahı olan Azərbaycanda minlərlə məscidlər tikildiyinə diqqət çəkib. O, bu yaxınlarda Qum şəhərində radikallığa və təkfirçi cərəyanalara qarşı keçirilən konfransda iştrakını xartırladıb. “İraq Şam İslam Dövləti” (İŞİD) kimi qruplaşmaların islamın əleyhinə olduğunu deyən A.Paşazadə belə qruplaşamalara qarşı təsirli mübarizə apara bilmək üçün islam ölkələri və xalqlarının əlaqələri  gücləndirməsinə ehtiyac olduğunu vurğulayıb.

Ə.Türkmən azərbaycan dilində çıxış edərək, səfərinin Azərbaycana ilk dəfə olduğunu söyləyib. İran və Azərbaycanın mədəniyyət baxımından bir-birinə yaxın olduğunu deyən Ə.Türkmən bu mədəniyyətlərin iki ölkə arasında ayrılığa imkan verməyəcəyini nəzərə çatdırıb. QMİ kitabxanasında olduğuunu xatırladan Ə.Türkmən burada qiymətli kitablar gördüyünü deyib.  O, bu kitabxanının yaradılmasını “savabı axirətə qədər gedən əməl” adlandırıb.

Ə.Türkmən islam daxilində parçalanma salmaq istəyən bəzi qüvvələrin buna nail ola bilməyəcəyi bəyanatı səsləndirib. -05C-