Bakı/26.04.13/Tura: Qobustan həbsxanasında ömürlük həbs cəzası çəkən məhbusların aprelin 18-də başladığı kütləvi aclıq aksiyası davam edir. məhbuslar işlərinə yenidən baxılmasını və ömürlük həbs cəzasının ləğvini tələb edirlər. Onlar vaxtilə ölüm cəzasına məhkum ediliblər. Lakin 1998-ci ilin fevralında bu cəzanın ləğvi ilə əlaqədar parlament onlar barəsində bu qətimkan tədbirini ömürlük həbslə əvəz etdi. Aksiya iştirakçıları hesab edirlər ki, parlament onlara yeni cəza müəyyən etməklə məhkəmə hakimiyətinin səlahiyyətlərini mənimsəyib.
Onların fikrincə, ölüm cəzası məhkəmələr tərəfindən maksimum altrnativ cəza – 15 il azadlıqdan məhrumetmə ilə əvəz edilməlidir.
Ömrülük Məhbusların Hüquqlarını Müdafiə Komitəsinin rəhbəri Müslümat Rzaxanovanın Turan-a verdiyi məlumata görə, aclıq aksiyasında 16 məhbus iştirak edir.
Onun sözlərinə görə, aclıq edən məhkum Bəxtiyar Cəfərov ağzını tikib. Digər məhbusların da səhhətlərində ciddi problem var.
Hələlik dövlət qurumları aclıq aksiyası ilə bağlı heç bir reaksiya verməyiblər.
Ombudsman aparatının nümayəndələri aksiya iştirakçılarına baş çəkib. Lakin heç bir nəticə yoxdur, deyə Rzaxanova bildirib.
Penitensiar Xidmətin ictimaiyyətlə əlaqələr şöbəsinin rəhbəri Mehman Sadıqov aclıq aksiyası faktını təsdiq edib. Lakin aclıq edənlərin sayı cəmi 9 nəfərdir və heç kim ağzını tikməyib, deyə o bildirib. Onun sözlərinə görə, aksiya iştirakçıları həkimlərin müşahidəsi altındadır.
10 fevral 1998-ci ildə ölüm cəzası ləğv edilərkən Azərbaycanda bu cəzaya məhkum edilmiş 128 məhbus var idi. Hazırda onlarda 77 nəfər sağdır. -16B06-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz