Qobustan həbsxanasının məhbusu aclıq edir
Bakı/05.03.20/Turan: Qobustan həbsxanasında ömürlük həbs cəzası çəkən Vüqar Əliyev martın 2-dən ağzını tikərək aclıq edir. Məhbus bu şəkildə barəsində çıxarılmış ağır cəzaya etiraz edir. Bu barədə onun valideynləri bildirib.
Əliyev 17 il əvvəl əks-səda doğurmuş Şəmkirin İcra Hakimiyyəti başçısı Aslan Aslanovun oğlunun qətli işi üzrə cinayət məsuliyyətinə cəlb edilib.
Bu qətl, iddialara görə, namusun qorunması zəminində törədilmişdi. Elə həmin vaxt V.Əliyevin sevgilisi Lamiyə Quliyeva da məsuliyyətə cəlb olunmuşdu. Əliyev ömürlük həbsə, Lamiyə isə 10 il azadlıqdan məhrumetmə cəzasına məhkum edilmişdi. Amma 2015-ci ildə o, hamiləliklə əlaqədar vaxtından əvvəl azad edilmişdi.
Əliyevin valideynləri hesab edirlər ki, oğulları həddindən artıq ağır cəzaya məhkum edilib, belə ki, onun təqsirli bilindiyi 120.1-ci (qəsdən adam öldürmə) maddə üzrə Azərbaycanda heç kim ömürlük həbs edilməyib. Bu cəza iki və ya daha artıq şəxs öldürüldükdə verilir.
Valideynləri hesab edirlər ki, öldürülən şəxsin atası dövlət məmuru mövqeyindən istifadə edərək, istintaqa təzyiq göstərib.
Məhkum işinə yenidən baxılmasını və cəzasının yüngülləşdirilməsini tələb edir. Valideynləri də videomüraciətlərində Azərbaycan prezidentindən işə yenidən baxılmasında və cəzasının 17 ilini çəkməsi ilə əlaqədar Əliyevin azad edilməsində və ya əfv olunmasında köməklik göstərməyi xahiş edirlər. -06D-
-
- Cəmiyyət
- 5 Mart 2020 15:57
Cəmiyyət
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
-
Mayın 18-də Bakıda və Abşeronda yağıntılı tutqun hava şəraiti davam edəcək. Şimal-qərb küləyi əsəcək. Havanın temperaturu gecə müsbət 11+13, gündüz müsbət 15+19 dərəcə olacaq.
-
Turan İnformasiya Agentliyinin son araşdırmaları Azərbaycanda kanalizasiya sisteminin idarə olunması ilə bağlı narahatedici hüquqi pozuntuları və ekoloji təhdidləri üzə çıxarıb. Turan-ın dərc etdiyi üç məqalədə dövlət nəzarətindəki ciddi nöqsanlar işıqlandırılır ki, bu da kanalizasiya xətlərinin icazəsiz tikintisinə və təmizlənməmiş çirkab sularının Zaqulba və Buzovna çimərliklərinin yaxınlığında Xəzər dənizinə axıdılmasına səbəb olub.
Rəy yaz