Dekabrın 13-də Quba rayon məhkəməsində Zamin Tahirovun sədrliyi ilə 1 mart Quba hadisələri ilə əlaqədar təqsirləndirilən 8 nəfərin işi üzrə proses başa çatıb.
Məhkəmə təqsirləndirilən şəxsləri əmlaka qəsdən ziyan vurmaqda, ictimai asayişi pozmaqda, polisə qarşı güc tətbiq etməkdə təqsirli bilib.
Məhkəmə Fərhad Əbdürrəhmanovu 5 il, Səxavət Ələsgərovu 4 il 3 ay müddətinə azadlıqdan məhrum edib. Eyni zamanda, Alxas Dalyanov 3 il müddətinə şərti həbs cəzası alıb və məhkəmə zalından sərbəst buraxılıb.
Samir Xammədov, Samir Talıbov, Mətləb Dadaşov, Sərvin Çobanov və Murad Zakirov da şərti olaraq 3 il müddətinə azadlıqdan məhrum edilib.
Sabah daha 9 təqsirləndirilən şəxs barəsində hökm oxunacaq.
1 mart 2012-ci ildə minlərlə qubalı mitinqə çıxaraq, yerli sakinləri tənqid edən rayon icra başçısı Rauf Həbibovun istefasını tələb ediblər. Aksiya iğtişaşlara çevrilib, Həbibovun villası yandırılıb, rayon icra hakimiyyətinin binasına ziyan vurulub. Ümumilikdə iş üzrə 30 nəfər təqsirləndirilən şəxsdən ibarət 4 qrup məhkəməyə çıxarılıb. -06B-
Cəmiyyət
-
Azərbaycan rütubətli və soyuq hava şəraitinə hazırlaşır, Bakıda və Abşeron yarımadasında yağış və qar yağacağı proqnozlaşdırılır. Milli Hidrometeorologiya Xidməti güclü şimal-qərb küləyinin gün ərzində tədricən zəifləyəcəyini bildirir.
-
Azərbaycan Xarici İşlər Nazirliyi (XİN) Rusiya İnformasiya və Mədəniyyət Mərkəzinin (Rus Evi) Bakıda qeydiyyata alınması tələbi ilə həmin ölkənin XİN-inə nota göndərib.
-
Antisemitizm yəhudi tarixinin əsas hissəsi olub və bütün Avropada qaçqın dalğalarına səbəb olub. Orta əsrlərdə minlərlə yəhudi Fransa, İspaniya, Portuqaliya və Avropanın digər ölkələrində repressiya və qırğınlardan canlarını qurtararaq Osmanlı İmperiyasında sığınacaq tapıblar.
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
Rəy yaz