İradə Bayramova
Bakı/24.07.23/Turan: Dünən müxalifətyönlü siyasətçi ilə birlikdə onun xanımı İradə Bayramova da saxlanılıb. O bu barədə jurnalistlərə bildirib.
Bayramovanın sözlərinə görə, saxlanma zamanı polis əməkdaşları onlara fiziki təzyiq göstəriblər.
« Həm Qubadın, həm də mənim bədənimdə zorakılıq izləri var. Biz Qubada dərman verə bilmərik. O, xəstədir və gün ərzində bir neçə dəfə dərman qəbul etməlidir. Buna imkan vermirlər, Qubadı, sadəcə, öldürmək istəyirlər", - Bayramova deyib.
O, vətəndaş cəmiyyətini İbadoğlunun taleyinə biganə qalmamağa və etiraz səsini ucaltmağa çağırıb.
O hesab edir ki, İbadoğlu Azərbaycan prezidentinin göstərişilə saxlanılıb.
Bayramova zorakılıq izlərini, sağ çiynindəki qançırları jurnalistlərə göstərib.
İbadoğlunun qardaşı Qalib Bayramov jurnalistlərə bildirib ki, Qubad İbadoğlu və xanımının olduğu avtomobil saxlanılan zaman 6 polis maşını onları təqib edib.
Onları ayrı-ayrı avtomobillərə oturdaraq Daxili İşlər Nazirliyinin Baş Mütəşəkkil Cinayətkalıqla Mübarizə İdarəsinə aparıblar. Onlar ayrı-ayrı otaqlarda saxlanılıb. Siyasətçinin xanımını axşam saat 19:00-a yaxın buraxıblar.
Azərbaycan Demokratiya və Rifah Partiyası sədrinin müavini Ellada Məmmədli bildirib ki, təşkilat Qubad İbadoğluna qarşı irəli sürülən ittihamlara inanmır.
«Belə bir aydın insanı, ziyalını nəyə görə şərləyib tutublar? Qubad bəy nə vaxtdan FETÖ-çü oldu? Qubad bəy ehtiyatlı davranan, hər şeyə nəzər yetirən adamdır. Onun hansısa kriminal məqsədlə kiməsə pul verdiyinə inanmırıq. O, çox məsuliyyətli adamdır, şəffaflıq tərəfdarıdır, xüsusilə pul məsələlərində", - Məmmədli deyib.
Hüquq müdafiəçisi Zəfər Əhmədov xatırladıb ki, 2016-cı ildən bəri bir neçə müxalifətçini FETÖ ilə əlaqələrdə ittiham etsələr də, sonradan ittihamlar dəyişib.
“Bu ittihamlar müxalifətçilər Faiq Əmirli, Fuad Əmədli, Elgiz Qəhrəman tutulanda da olub. İstintaq orqanı əvvəlcə həbs edir, sonra ittiham düşünür. Qubad İbadoğlu üçün də bir maddə tapacaqlar “, - Zəfər Əhmədli deyib.
Daxili İşlər Nazirliyi Bayramovanın saxlanılması və ona fiziki təzyiq göstərilməsini təkzib edib.—06В-
Cəmiyyət
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
-
Cümə günü paytaxtda hava dəyişkən olacaq, yağış gözlənilmir.Cənub-şərq küləyi əsəcək. Havanın temperaturu gecə müsbət 5 +7, gündüz müsbət 8 + 12 dərəcə olacaq. Rütubət 70-80 faiz olacaq.
-
Yanvarın 30-da Bakıda aydınlaşdırma ilə buludlu olacaq, gün ərzində Abşeron yarımadasında az yağıntı ola bilər. Külək cənub-şərq olacaq. Gecə havanın temperaturu +4 - dən +7c-ə, gündüz isə +8-dən +12C-ə qədər olacaq.havanın rütubəti 70-80% olacaq.
-
Azərbaycan hakimiyyəti keçmiş Rusiya hakimi Yelena Xaxalevanı Bakı Beynəlxalq Hava Limanında saxlayıb. Bu barədə məlumat Rusiyanın Baş Prokurorluğuna və Daxili İşlər Nazirliyinə təsdiqlənib. Saxlanılma xəbəri ilk olaraq Kommersant və İzvestiya tərəfindən mənbələrə istinadən yayımlanıb və daha sonra RIA Novosti və TASS vasitəsilə hüquq-mühafizə orqanlarından təsdiq alıb.
Rəy yaz