Qurban Məmmədov barəsində hökm dekabrın 6-da oxunacaq

Bu gün Nəsimi rayon məhkəməsində məşhur hüquqşünas, Demokratik Qüvvələrin Milli Şurasının (DQMŞ) üzvü Qurban Məmmədovun işi üzrə prosesdə müttəhim özü və vəkilləri yekun sözlə çıxış edib.

Onlar işin siyasi xarakterli olduğunu bildiriblər və məhkəməni bəraət hökmü çıxarmağa çağırıblar. Hakim hökmün oxunmasını 6 dekabr saat 14.30-a təyin edib.

Noyabrın 28-də keçirilən iclasda prokuror Məmmədovun 263.1 (yol hərəkəti qaydalarını pozma sağlamlığa ziyan vurulmasına səbəb olduqda) və 299.1-ci (zərərçəkmişi ələ alma) maddələrlə 3 il müddətinə azadlıqdan məhrum edilməsini istəyib.

Hüquqşünas Namizəd Səfərov hesab edir ki, ikinci ittiham Məmmədovu həbsə atmaq məqsədilə irəli sürülüb, belə ki, YNH-yə görə məntəqə tipli cəzaçəkmə müəssisəsində cəza çəkilməsi nəzərdə tutulur. Səfərovun fikrincə, Məmmədovun işi ümumilikdə siyasi motivlər daşıyır.

Məmmədov bu ilin iyununda 2012-ci ilin sentyabr ayında baş vermiş YNH ilə əlaqədar həbs edilib. Məmmədov maşınını park edərkən dayanacaq işçisinə xəsarət yetirib, lakin tibbi yardım xərclərini ödəyib. Zərərçəkmişin Məmmədova qarşı şikayəti olmayıb, lakin hüquqşünas DQMŞ-nin yaradılmasında iştirak etdikdən sonra polis onu həbs edib.

Məmmədov ona qarşı irəli sürülmüş ittihamları təkzib edir və həbsini siyasi sifariş hesab edir. -16D06-