![Rabitə Nazirliyi təhlükəli virus proqramı haqqında xəbərdarlıq edib](https://turan.az/resized/media/2015/main/102200133892-750-500-resize.webp)
Rabitə Nazirliyi təhlükəli virus proqramı haqqında xəbərdarlıq edib
Rabitə və Yüksək Texnologiyalar Nazirliyinin (RYTN) Elektron Təhlükəsizlik Mərkəzi (ETM) Azərbaycanın internet istifadəçilərinə təhlükəli virus proqramı haqqında xəbərdarlıqla müraciət edib.
Proqram kompüterlərdə “Google Chrome” veb-brauzerini silib özünün saxta surətini kompüterə quraşdırır.
Təhlükəsizlik ekspertləri bildirirlər ki, istifadəçilərin “eFast Browser” adlandırılan saxta veb-brauzerlə “Chrome” arasındakı fərqi asanlıqla seçməsi mümkün deyil.
Virus proqramı sizin daxil olduğunuz veb səhifələrdə icazəsiz reklamlar yerləşdirə, sizi saxta məzmunlu zərərli saytlara yönləndirə və internetdəki fəaliyyətinizi izləyə bilər, deyə xəbərdarlıqda bildirilir.
Rabitə Nazirliyi internet istifadəçilərinə “Chrome” brauzerini rəsmi veb-saytından endirməyi və onu kompüterə quraşdırarkən hər bir mərhələni diqqətlə təhlil etməyi tövsiyə edir. -16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz