QMİ-dəki mənbə bir qrup ziyarətçidə virus aşkarlanması haqda xəbələri əsassız sayır

Bəzi KİV-lərin həcdən qayıdan 500-ə yaxın ziyarətçidə viruslar aşkarlanması haqda yaydığı informasiylar əsassızdır. Bunu Turan-a QMİ-dəki mənbə şərh edib.

Mənbənin bildirdiynə görə, ziyarət zamanı Kitabullah Ələkbərov adında həkim olub. Amma onun açıqlaması həcc zamanı bir qrup zəvvarın səhhətilə bağlıdır. Yəni, iqlim dəyişkənliyi, havaların isti keçməsi və s. kimi amillər ilə bağlı insnaların səhhətlərində problemlər yaranıb və elə həcc ziyarəti zamanı da aradan qaldırılıb. “Odur ki, bir neçə ay əvvəl bir qrup zəvvarın səhhətində olmuş nasazlığı bu gün baş verən kimi cəmiyyətə çatdırmaq həqiqətəuğun deyil və belə hal yoxdur”, - deyə mənbə qeyd edib.

Eyni zamanda, mənbə bəzi KİV-lərin bunu həkim K.Ələkbərova isnad etməsinə də birmənalı yanaşmayıb. “K.Ələkbərov həcc ziyarəti zamanı zəvvarların səhhətini nəzarətdə saxlayırdı, insanlar bir aydır ki, vətənə dönüblər, evlərində, ailələrinin yanındadırlar, K.Ələkbərov məgər indi də hacıların səhhətini nəzarətdə saxlayır ki?”, deyə mənbə münasibət ifadə edib.

Qeyd edək ki, bəzi KİV-lər həkim K.Ələkbərova isnadən həcc ziyarətindən qayıtmış 500-ə yaxın vətəndaşda kəskin viruslar aşkarlanması, onlarda öskürək, oynaq, əzələ ağrıları olması kimi informasiyalar yayıblar. -05B-