RATİ Jurnalistlərin Beynəlxalq Həmrəyliyi Gününü Mehman Hüseynovun anasının məzarı önündə qeyd etməyə çağırıb
Bakı/07.09.18/Turan: Reportyorların Azadlıq və Təhlükəsizlik İnstitutunun rəhbəri Emin Hüseynov öz təşkilatı adından jurnalistləri sentyabrın 8-də anasının məzarı önündə Jurnalistlərin Beynəlxalq Həmrəyliyi Gününü qeyd etməyə çağırıb.
"Bu, həbsdə olan qardaşım Mehman və digər jurnalistlərlə həmrəyliyin nümayişi olacaq".- E.Hüseynov hesab edir.
O bildirib ki, indiyədək rəsmi strukturlar anasının ölümünün səbəbləri ilə bağlı rəsmi rəy verməyiblər. Belə ki, o, anasının öz əcəli ilə ölmədiyini düşünür.
Firəngiz Hüseynova uzun sürən xəstəlikdən sonra vəfat edib.
İyunun 15-də ağır vəziyyətdə xəstəxanaya yerləşdirildəkdən sonra bütün vaxtı reanimasiyada olub və süni nəfəs aparatına qoşulub.
Lakin vəfatı ərəfəsində onu reanimasiyadan intensiv kardiologiya şöbəsinə keçiriblər. Avqustun 6-na keçən gecə vəfat edib.
Anasının vəziyyətinin ağır olmasına baxmayaraq, blogerə onunla görüşməyə icazə verməyiblər.
O, avqustun 7-də dəfn edilib. Dəfn mərasimində oğlu M.Hüseynov iştirak edib. Ona dəfn mərasimində iştiraka icazə verilib.
Jurnalistlərin Həmrəyliyi Günü Beynəlxalq Jurnalistlər Təşkilatının 1958-ci ilin mayında Buxarestdə çex jurnalist Yulius Fuçikin xatirəsinə həsr olunmuş IV Konqresinin qərarı ilə qeyd edilir. Y.Fuçik 1943-cü il sentyabrın 8-də hitlerçilər tərəfindən edam edilib. XX əsrin sonlarında BMT həmin günü Jurnalistlərin Beynəlxalq Həmrəyliyi Günü elan edib.-0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz