![RATİ Ümumdünya Mətbuat Günü ərəfəsində kampaniya keçirir](https://turan.az/resized/750/500/resize/media/2017/main/040400187138.jpg)
RATİ Ümumdünya Mətbuat Günü ərəfəsində kampaniya keçirir
Reportyorların Azadlıq və Təhlükəsizlik İnstitutu (RATİ) Ümumdünya Mətbuat Günü ərəfəsində Azərbaycanda ifadə azadlığının susdurulmasına son qoyulması çağırışı ilə 30 günlük kampaniyaya başlayır.
RATİ YUNESKO-nu böhtan ittihamı ilə həbs olunan bloger Mehman Hüseynovun dərhal və qeyd-şərtsiz azadlığa buraxılmasını tələb etməyə çağırır. Əslində o, korrupsiya və vətəndaşların hüquqlarının pozulması haqda reportajlarına görə təqib olunur.
YUNESKO-nun baş direktoru İrina Bokovanın adına müraciətdə deyilir ki, RATİ onu Mehman Hüseynovun müdafiəsi üçün səsini ucaltmağa, onun azadlığa buraxılmasını tələb etməyə, Azərbaycan rəhbəriyinə qarşı sanksiya tətbiq etməyə və Azərbaycanın birinci vitse-prezidenti Mehriban Əliyevanı YUNESKO-nun xoş məramlı səfiri adından məhrum etməyə çağırıb.
RATİ həmçinin YUNESKO rəhbərini Azərbaycan hakimiyyətindən aşağıdakıları tələb etməyə çağırır: bütün siyasi məhbusların azad edilməsi, jurnalist Xədicə İsmayılovanın ölkədən çıxışına qoyulan qadağanın ləğvi, “Azadlıq” qəzeti və digər tənqidi KİV-lərə qarşı təzyiqlərə son qoyulması, bəzi müxalifət saytlarının bloklanmasından imtina, diffamasiyaya görə cinayət təqiblərinin ləğvi, KİV-in və jurnalistlərin fəaliyyətini məhdudlaşdıran qanunverici düzəlişlərin ləğvi və s. -02D-
-
- Cəmiyyət
- 4 Aprel 2017 11:57
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz