Rauf Mirqədirovun həbs müddətini 2 ay uzatmaq istəyirlər

Bu gün Nəsimi rayon məhkəməsində istintaqın jurnalist Rauf Mirqədirovun həbs müddətinin iki ay - noyabrın 19-na qədər uzadılması barədə təqdimatına baxılması təxirə salınıb.

Buna səbəb müdaifə tərəfin artıq jurnalistin həbs müddətini uzadan hakim Şəlalə Həsənovaya etiraz verməsi olub. Bununla əlaqədar olaraq, iclas sentyabrın 4-nə qədər təxirə salınıb. Bu barədə Turan-a vəkil Elmar Süleymanov bildirib.

Müdafiə tərəfi həbsin uzadılmasını nə ilə əsaslandırıldığını bilmir, belə ki, Mirqədirovun təqsirinin heç bir sübutu yoxdur.

Avqustun 25-də həbsxana xəstəxanasına keçirilmiş Mirqədirov artıq MNT İstintaq Təcridxanasına qaytarılıb. Vəkilin sözlərinə görə, Mirqədirovun arterial təzyiqi əvvəlki kimi kəskin yüksəlir.

* Mirqədirov 2014-cü ilin aprelində Türkiyədən deportasiya olunduqdan dərhal sonra dövlətə xəyanət ittihamı ilə həbs edilib. O, bu ittihamları qətiyyətlə rədd edir. Həbsin əsl səbəbi Mirqədirovun dövlətə xəyanət ittihamı ilə həbs edilmiş Leyla Yunusun rəhbəri olduğu Sülh və Demokratiya İnstitutunun layihələrində iştirakıdır.

Maraqlıdır ki, L.Yunus və həyat yoldaşı Arif Yunus barəsində dövlətə xəyanət ittihamı ayrıca icraata ayrılıb və onlar iqtisadi cinayətlərə görə mühakimə olunublar. -16B06-