![Rauf Mirqədirovun səhhətində problem yaranıb](https://turan.az/resized/media/2015/main/061000118892-750-500-resize.webp)
Rauf Mirqədirovun səhhətində problem yaranıb
Hazırda Milli Təhlükəsizlik Nazirliyinin (MTN) istintaq təcridxanasında saxlanılan jurnalist Rauf Mirqədirovun səhhətində ciddi problem yaranıb. Onun qan təzyiqi gözlənilmədən aşağı düşüb. Bu barədə vəkil Elmar Süleymanov Turana bildirib.
Süleymanov bu gün MTN-nin təcridxanasında Rauf Mirqədirovla görüşüb.
“Bu gün Rauf Mirqədirovun yanında oldum. Səhhəti yaxşı deyildi. Onu mənimlə görüşə həkimin yanından gətirdilər. Dedi ki, təzyiqi stabil deyil. Təzyiqi gözlənilmədən çox aşağı düşüb. Həkim ona müalicə təyin etməli idi. Mənimlə görüşdən sonra yenidən həkimin müayinəsinə qaytardılar. Mirqədirov qan təzyiqindən çox narahat idi”,o qeyd edib.
Vəkil jurnalistin saxlanma şəraitinin normal olduğunu deyib.
“Rauf Mirqədirov təcridxanada saxlanma şəraitindən narazı deyil. Ona qarşı münasibətin normal olduğunu bildirir. Amma istintaqın uzanmasından narahat və narazıdır”, Süleymanov bildirib.
“Zerkalo” qəzetinin 2010-cu ildən Türkiyə üzrə xüsusi müxbiri Rauf Mirqədirov 2014-cü il aprelin 19-da Ankaradan deportasiya edilib. Həmin gün təyyarə ilə Bakıya göndərilən jurnalist Milli Təhlükəsizlik Nazirliyinin əməkdaşları tərəfindən saxlanılıb. Ermənistanın xeyrinə casusluqda günahlandırılaraq barəsində Cinayət Məcəlləsinin 274-cü (dövlətə xəyanət) maddəsi ilə cinayət işi qaldırılıb.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz