Mətbuat-Monitorinq 11.06.15

Rəsmi qəzetlər iyunun 12-də açılışı gözlənilən I Avropa Oyunları ilə bağlı mövzuları ilk səhifədə yerləşdiriblər.

“Azadlıq” qəzeti beynəlxalq Amnesty İnternational təşkilatının Britaniyadan olan fəalı Emma Fyuzu Avropa Oyunları ilə bağlı Bakıya buraxmamasını manjetə çıxarıb.

II Avropa Oyunlarını təşkil etməli olan Hollandiya bunun üçün tələb edilən 57,2 milyon avro xərci hakimiyyət üçün “ağır xərc” sayaraq imtina edib, rəsmi Bakı isə ilk Avropa Oyunlarının təşkilinə milyardlar xərcləyib.

Avropa Parlamentinin Almaniyadan olan üzvü Mariet Şaake həmkarlarına və Avropa siyasətçilərinə Bakıda keçiriləcək Avropa Oyunlarının açılışına qatılmamaq çağırışı edib.

“Sərhədsiz Reportyorlar” təşkilatı Avropa Oyunlarının beynəlxalq sponsorlarına Azərbaycanda siyasi məhbusları azad etməyə çalışmaq çağırışı edib.

“The New York York Times” qəzeti Avropa Oyunlarının Bakıda keçirilməsinin pis tərəfi kimi repressiv rejimlərin böyük idman oyunlarından təbliğat üçün istifadə tendensiyası” olmasını göstərir.

AZAL şirkətinin Avropa Oyunları ilə bağlı Bakıya fələcək xarici turustlərə 50% qiymət endirimi etməsini, bu güzəştin ölkə vətəndaşlarına tətbiq olunmamasını “iqtidar üçün vətəndaşın heş bir dəyəri olmaması” kimi dəyərləndirir. 

Bakıdakı yanğınla bağlı ölkə məmurlarını kəskin tənqidə görə rəsmi Bakının təhqirlərinə məruz qalan diplomat Arif Məmmədov “Rusiyanın adamı” olması haqda deyilənləri iqtidarın ortya atdlğı “gülünc addım” adlandırır.

ANS-in “İncə maraqlar” verilişinin aparıcısı Elnarə Təhməzovanın ölkənin hicablı xanımlarına “bayquşa oxşamaları” təhqirinə görə ANS rəhbərliyi qarşı tərəfdən üzr istəyib, aparıcı işdən azad edilib, veriliş isə bağlanıb.  

“Ekspress” ölkənin bank sektorunda Beynəlxalq Bankın bank payının azaldılmadığı haqlda ölkənin maliyyə sektorunun böyük risklə üzləşə bilməsi haqda Beynəlxalq Valyuta Fondunun xəbərdarlığını diqqət mərkəzinə çəkib.

İyunun 8-də Avropa Parlamentində Azərbaycanda həbsdə olan hüquq müdafiəçilərinin müdafiəsilə bağlı dinləmələr keçirilməsinə rəsmi Bakı “bunun arxasında erməni lobbisi”nin dayanması bəyanatını səsləndirir.

“Exo” p ölkədə liftlərin çoxunun istismar müddətinin bitməsi, təcili dəyişmələrə ehtiyac olduğu haqlda bu işi hansı qurumun gprəcəyinin sona qədər aydın olmamasını önə çəkib.

“Bizim yol”  Azərbaycanda siyasi məhbus məsələilə bağlı Avropa Parlamentində keçirilən dinləmələrə bağlı səsvermədə yetərsay alınmadığı üçün qətnamə qəbul olunmamsaı haqda xəbəri ilk səhifəyə yerləşdirib.

Azərbaycanda həbsdə olan hüquq müdafiəçilərini müdafiə etdiyinə görə Milli Məclisin komitə sədri Əli Hüseynov Avropa Parlamentinin vitse-prezidenti Ulrike Lunaçeki “siyasi yaramaz” adlandırıb.

“Yeni Müsavat”  Bakıdakı yanğına görə diplomat Arif Məmmədovun ölkə məmurlarını kəskin tənqidə məruz qoyması ilə Avropadakı səfirlərin geri çağırlacağı, nazir Elmar Məmmədyarovun istefasının gündəmə gələcəyi iddiasını ilk səhifəyə çəkib.

MTN təcridxanasında saxlanılan jurnalist Rauf Mirqədirovun qan təzyiqinin yüksəkməsiylə səhhətinin kəskin şəkildə pisləşdiyi bildirilir.

Rəsmi Bakı ölkədə siyasi məhbus məsələsini həll etmədiyi üçün bu məsələ ilə bağlı ABŞ Konqresində, Avropa Parlamentində, AŞPA-da müzakirəyə çıxarılmasını qəzet “ABŞ və Qərbin Azərbaycan iqtidarına “yay sürprizləri” adlandırır.