“Cinayət-Prosessual Məcəllənin 204-cü maddəsinə uyğun olaraq, yazılı şəkildə Sizi, yəni Baş prokuroru, məlumatlandırıram ki, Nəsimi rayon məhkəməsinin 4 fevral, 12 və 14 mart, 8 aprel, 15 may və 14 avqust 2013-cü il, Bakı Apellyasiya Məhkəməsi Cinayət Kollegiyasının 8 fevral, 19 və 27 mart, 15 aprel, 27 may və 20 avqust 2013-cü il tarixli qərarlarını çıxarmaqla hakimlər mənə qarşı cinayət törədib. Həmin hakimlər barəsində cinayət təqibinin həyata keçirilməsi üçün Məhkəmə-Hüquq Şurasına təqdimat vermənizi cinayətə məruz qalmış bir vətəndaş olaraq Sizdən istəyirəm”. Bu barədə hazırda həbsdə olan REAL Hərəkatının lideri İlqar Məmmədovun baş prokuror Zakir Qaralova məktubunda deyilir.
Məmmədov bildirir ki, barəsində həbs qətimkan tədbirinin tətbiqi, uzadılması, həbsin başqa qətimkan tədbiri ilə əvəz edil(mə)məsi haqqında Nəsimi rayon məhkəməsinin 4 fevral, 12 və 14 mart, 8 aprel, 15 may və 14 avqust 2013-cü il, Bakı Apellyasiya Məhkəməsi Cinayət Kollegiyasının 8 fevral, 19 və 27 mart, 15 aprel, 27 may və 20 avqust 2013-cü il tarixli qərarlarını çıxarmış hakimlər barəsində Cinayət Məcəlləsinin 295-ci maddəsinə ("Bilə-bilə ədalətsiz hökm, qətnamə,qərardad və qərar çıxarma”) əsasən cinayət təqibinin həyata keçirilməsi üçün kifayət qədər əsas var.
“Lakin Avropa İnsan Haqları Məhkəməsinin qərarı mətbuatda geniş işıqlandırılsa da və bu zaman mənə qarşı törədilmiş və aşkarlanmış əməlin Cinayət Məcəlləsinin 295-ci maddəsinin pozulması əlamətlərini açıq-aşkar daşımasına baxmayaraq, öz səlahiyyətləri çərçivəsində Məhkəmə-Hüquq Şurasına cinayət təqibinin başlanması barədə müraciət etməyə borclu olan vəzifəli şəxslər bunu etməyib”, deyə məktubda qeyd edilir.
Məmmədov məhkəmə qərarlarını ardıcıllıqla sadalayır.
REAL Hərəkatının lidüeri İ.Məmmədov 2013-cü il fevralın 4-də İsmayıllı hadisələri ilə bağlı həbs edilib. Məhkəmə 2014-cü il martın 17-də Məmmədovu kütləvi iğtişaşlara çağırma və hakimiyyət nümayəndələrinə qarşı zor işlətməkdə təqsirli bilərək 7 il azadlıqdan məhrum edib.
Avropa İnsan Haqları Məhkəməsi İlqar Məmmədovun dərhal azadlığa buraxılması və hakimiyyətin ona təzminat ödəməsi barədə qərar çıxarıb.
Məmmədov ittihamları siyasi sifariş hesab edir. Amnesty İnternational onu “vicdan məhbusu” elan edib. -03B-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz