Bakı/08.03.21/Turan: Feministlərin təşkil etdiyi aksiyaya gedərkən saxlanılan NİDA Vətəndaş Hərəkatının üzvü Rəbiyyə Məmmədova sərbəst buraxılıb. O, bildirib ki, polis tərəfindən saxlanılarkən ona fiziki təzyiq göstərilib, qolu burulub. Maşında saçları yolunub və boğmağa cəhd göstərilib. "Hazırda xəstəxanaya gedirəm, qulağımda və boğazımda ağrılarım var".
Məsələ ilə bağlı Daxili İşlər Nazirliyinin Mətbuat xidmətinin KİV və İctimaiyyətlə əlaqələr şöbəsinin rəisi Elşad Hacıyev Turana məlumatı təkzib edib. "İddialar əsassızdır. Polis tərəfindən əvvəlcədən edilən xəbərdarlığa uyğun olaraq qanunsuz aksiyanın qarşısı alınıb və hər hansı bir şəxsin fiziki təzyiqə məruz qalması ilə bağlı iddiaları qəti olaraq təkzib edirəm. Belə bir hal yoxdur".-0-
Cəmiyyət
-
Yanvarın 7-də Prezident İlham Əliyev dövlət büdcəsindən maliyyələşən bir sıra təşkilatlarda çalışan işçilərin əməkhaqlarının artırılması ilə bağlı sərəncam imzalayıb. Sərəncama əsasən, 2025-ci il yanvarın 1-dən etibarən Azərbaycan Milli Elmlər Akademiyasının Rəyasət Heyəti, Aparatı, Gəncə bölməsinin Aparatı və Heydər Əliyev Mərkəzi də daxil olmaqla, təxminən 20 qurumda rəhbər və digər işçilərin aylıq vəzifə maaşları orta hesabla 15% artırılacaq.
-
Bakının Nəsimi rayonundakı populyar "Şuşa" restoranının sökülməsinə başlanılıb. Restoran Şəhriyar adına parkın (keçmiş Dzerjinski parkı) ərazisində tikilmişdi. Rəhbərlik söküntünün səbəbini açıqlamır. Ancaq yaxınlıqda daim genişlənən ADA Universiteti yerləşir.
-
Azərbaycan 9 yanvarda əsasən quraq hava şəraiti ilə qarşılaşacaq. Bu barədə Milli Hidrometeorologiya Xidməti məlumat yayıb.
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
Rəy yaz