NİDA hərəkatının fəalı Rəhim Vəliyevin inzibati qaydada həbsindən apellyasiya şikayəti veriləcək, bu barədə Turan-a vəkil Cavad Cavadov bildirib.
O dəqiqləşdirib ki, məhkəmənin qərarı ilə Vəliyev əvvəl bildirildiyi kimi 30 deyil, 15 gün müddətinə həbs olunub.
Nərimanov rayon məhkəməsinin qərarında Vəliyevin ondan sənəd tələb edən polisin tələblərinə tabe olmadığı iddia olunur.
Bu zaman Vəliyev saxlanılarkən onun doğmaları ilə əlaqə saxlamasına imkan verilməyib, məhkəmədə isə onu dövlət vəkili müdafiə edib.
Vəkillər Cavadov və Elçin Sadıqov elə bu gün apellyasiya şikayəti təqdim edəcəklər. Cavadovun bildirdiyinə görə, qanuna əsasən, həftəsonu olsa belə, şikayət daxil olduqdan dərhal sonra ona baxılmalıdır. -06B-
* * *
2017 Yanvar 16 (Bazar ertəsi) 21:22:03
NİDA hərəkatının fəalı Rəhim Vəliyev bu gün 30 günlük həbs olunub. Hərəkatdan Turan-a verilən məlumata görə, gənci bazar ertəsi səhər evdən çörək almağa çıxanda saxlayıblar.
Sonradan məlum olub ki, Vəliyev Nərimanov rayon 18-ci polis bölməsindədir. Bu zaman polis əməkdaşları onun evinə gələrək, fəalın mobil telefonunu və noutbukunu götürüb.
Bütün bu müddət ərzində saxlanılmasının səbəbi doğmalarına bildirilməyib.
Axşam gənc özü evə zəng edib və bildirib ki, inzibati qaydada 30 günlük həbs olunub və Binəqədi istintaq təcridxanasındadır. O, təfsilatını, o cümlədən konkret olaraq nədə ittiham olunduğunu deməyi çatdırmayıb.
NİDA hərəkatında hesab edirlər ki, Rəhim Vəliyev siyasi motivlərlə həbs olunub. Bu zaman təşkilatın bəyanatında gəncin aşağıdakı facebook statusu göstərilir:
“Bu iqtidar biz gənclərin əlindən ala biləcəyi hər şeyini alıb. Təhsilini, sağlamlığını, gələcəyini, müstəqilliyini və eləcə də digər dəyərlərini. Oğurladıqları ilə kifayətlənməyib, illərdir ki, dostlarımızı da oğurlamağa davam edirlər. Növbəti oğurlanan hər birimiz ola bilərik. Qorxmuruq, çünki qazandığımızı qazanmışıq və itirəcəyimiz də heç nə yoxdur. Qazandığımızsa elə dəyər verdiklərimizdir təkcə. Sözüm ondadır ki, dəyər verdiyimiz insanların, dostlarımızın sayını oğurlamaqla azalda bilməyəcəklər. Bu ki, büdcə deyil istədikləri kimi, öz kefləri üçün xərcləsinlər. Uzun sözün kəsəsi, qorxmalı olan oğrular, sizin oğurluqlarınızın hesabatını alacaq olanlarsa elə bizik”. -06B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz