Dünya Azərbaycanlıları Konqresi (DAK) 1945-ci ildə baş vermiş “21 Azər” (12 dekabr) hərəkatı nəticəsində Azərbaycan Xalq Respublikası (AXR) yaranmasının 69-cu ildönümü ilə bağlı çərşənbə günü Beynəlxalq Mətbuat Mərkəzində (BMM) dəyirmi masa keçirib.
DAK sədri Sabir Rüstəmxanlı 10 dekabrın bütün dünyada İnsan haqları günü kimi qeyd edildiyini və 35 milyonluq Güney Azərbaycan türklərinin haqları ilə bağlı tədbirin də bu gün keçirilməsinni təsadüf olmadığını xatırladıb.
DAK sədri telekanalların tədbirə gəlməməsinə işarə edərək, bunu son vaxtlar rəsmi Bakı-İran münasibətlərinin “istiləşməsinin” nəticəsi adlandırıb. Rəsmi Bakının İrana “problem” yaratmayacağı kimi dəyərləndirib. Onun sözlərinə görə, bu münasibətlərdən sonra hətta DAK-ın bağlanması istiqamətində səylər də var.
DAK sədri ad çəkmədən bəzi deputatların “Bütöv Azərbaycan” ideyasını reallıqdan uzaq saymalarına toxunub. Vaxtilə SSRİ-nin dağılmasını da reallıqdan uzaq sayanlar olduğuna, amma hamının bu dağılmanı gördüyünə diqqət çəkib. 1945-ci il hərəkatının Azərbaycan Xalq Respubilkası yaranması ilə başa çatması Güney Azərbaycan türklərinin qələbəsi kimi dəyərləndirilib. Cəmi bir il mövcud olduqdan sonra bu dövlətin Pəhləvi rejimi tərəfindən silah gücünə dağıdıldığı deyilib. O zamandan etibarən Güney Azərbaycan türklərinin adi insani haqlardan milli dəyərlərə kimi çox maddi-mənəvi sərvətlərdən məhrum olunduğu nəzərə çatdırılıb. Güney Azərbaycan türklərinin apardıqları mübarizənin qələbə ilə başa çatacağına inam ifadə edilib.
DAK Daimi Şurasının sədri Əjdər Tağızadə İran prezidenti Həsən Ruhaninin bu yaxınlarda Azərbaycana səfəri zamanı verdikləri bəyanata mənfi münasibət bildirib. Bəyanatda “millətçiliyə, radikallığa qarşı mübarizə” ifadəsinin birbaşa Güney Azərbaycan türklərinə qaşrı yönəldiyi iddia edilib. Bununla da Azərbaycanın faktiki Güney Azərbaycan türklərini Tehran rejimilə mübarizədə arxasız qoyduğu ifadə edilib. 1946-cı ildə Pişəvəri hökumətinin və AXR-in yıxılmasına da səbəb kimi beynəlxalq güclərin AXR-i arxasız qoyması göstərilib.
İranın Güney Azərbaycan türklərinin məhz millətçi hərəkatından qorxduğu deyilib.
O, Azərbaycanın təkcə şimali Azərbaycandan ibarət olmadığını qeyd edib, ona görə də Güney Azərbaycana sahib çıxılmasında israr edib.
Digər natiqlər də çıxışlarında Güney Azərbaycan türklərinin milli-azadlıq mübarizəsi aparmasına diqqət çəkərək, bu məsələdə bütün dünya azərbaycanlılarının hərəkata dəstək çıxmasının şərt olduğunu vurğulayıblar. Müsavat Partiyası sədri Arif Hacılı 2015-ci ili AXR ili elan etmək və onun 70 illiyini daha geniş şəkildə qeyd etmək təklifi səsləndirib.
Güney Azərbaycan tarixini və hərəkatlarını öyrənmək baxımından belə tədbirlərin mütəmadi keçirilməsi mqəsdəuyğun sayılıb. -05C-
Cəmiyyət
-
Lider mobil operatordan “Kinon” ilə dünyaca məşhur onlayn kinoteatrlar bir arada “Kinon" tətbiqinin imkanlarını genişləndirən Azercell dekabr ayının 10-dan etibarən xidmətə Wink, Viju və Premier onlayn kinoteatrlarını əlavə edir. Beləliklə artıq “Kinon” eyni anda müxtəlif cihazlarda 240-dan çox yerli və xarici kanalı onlayn izləmək imkanı ilə yanaşı, “Amediateka”, "Premier", "Viju" və "Wink" kimi dünyaca məşhur onlayn kinoteatrları bir platformada birləşdirir.
-
Ötən həftə ərzində hüquq müdafiəçisi Rüfət Səfərov, MeydanTV internet televiziyası ilə əməkdaşlıq edən altı jurnalist və onların bəzi yaxınları həbs olundular. Üstəlik, siyasi şərhçi Azər Qasımlı da saxlandı. O, hədə-qorxu ilə tələb etmədə, qalanları isə qaçaqmalçılıqda şübhəli sayılır.
-
Lahıcda Vətəndaş A filminin çəkilişləri zamanı İctimai Televiziyanın çəkiliş qrupuna məxsus dron qəzaya uğrayıb. Əvvəlcə filmin operatoru dronun Azərbaycan sərhədçiləri tərəfindən vurulduğunu iddia etsə də, prodüser bu açıqlamanı təkzib edərək dronun onun səhvi ucbatından qayaya çırpıldığını bildirib.
-
Dekabrın 10-da tutqun hava şəraiti davam edəcək. Gecə yağış yağa bilər. Şimal-şərq küləyi gündüz cənub-şərq küləyinə keçəcək. Havanın temperaturu gecə müsbət 5 +7, gündüz müsbət 7 + 10 dərəcə olacaq. Rütubət 60-70 faiz olacaq.
Rəy yaz