Respublikaçı Alternativ Partiyası qurultay keçirmək üçün yer verilmədiyini bildirir
Баку/19.10.17/Turan: Respublikaçı Alternativ Partiyasının Təşəbbüs Qrupu partiyanın birinci təsis qurultayını bu il oktyabrın 29-da keçirilməsi ilə bağlı qərar verib. Partiyanın Təşəbbüs Qrupu adından Bakı şəhərində yerləşən və 400 nəfərlik zalı olan 4 və 5 ulduzlu otellərə partiya qurultayının keçirilməsi üçün müraciət edilib. Lakin müraciət olunan otellər siyasi partiya tədbirlərinə yer ayırmadıqlarını ifadə edib və yer verməkdən imtina ediblər. Bu barədə Respublikaçı Alternativ Partiyası Təşkilat Komitəsinin partiya qurultayının yeri ilə bağlı media açıqlamasında bildirilir.
Təşkilat Komitəsi həmçinin oktyabrın 2-də partiyanın Təşəbbüs Qrupu adından qurultaya yer ayrılması üçün Bakı Şəhər İcra Hakimiyyəti Bakı Şəhər Mədəniyyət və Turizm Baş İdarəsinə müraciət ünvanlayıb.
"Qanunla nəzərdə tutulan 15 gün ərzində müraciətlərə cabab vermə qaydasını pozaraq Bakı İcra Hakimiyyəti bizim müraciətimizə hələ də cavab verməyib və hətta müraciətimizi qeydə almadıqlarını və icraata göndərmədiklərini bildiriblər", məlumatda qeyd edilir.
Təşkilat Komitəsi həmçinin xatırladır ki, müraciətdə göstərdikləri yerlərdə digər siyasi partiyalar öz qurultaylarını və digər tədbirlərini keçirib.
"Hesab edirik ki, Bakı şəhər İcra Hakimiyyəti qanunun tələblərini pozaraq müraciətimizə cavab verməməklə bir tərəfdən ayrıseçkilik edib, digər tərəfdən siyasi fəaliyyət azadlığını köbud şəkildə pozub. Bütün bunlar onu göstərir ki, Bakı şəhər İcra Hakimiyyəti siyasi rəhbərliyin sifarişi ilə hərəkət edir".
Respublikaçı Alternativ Partiyası Təşkilat Komitəsi bildirir ki, partiya qurultayını keçirməkdə qərarlıdır və mövqeyində hər hansı dəyişiklik olmayacaq.
Öz növbəsində, Təşkilat Komitəsinin açıqlamasına rəsmi qurumlar hələ münasibət bildirməyib.-0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz