Rəsul Cəfərov məhkəməni ona bəraət verməyə çağırıb
Çərşənbə günü hüquq müdafiəçisi Rəsul Cəfərovun işi üzrə məhkəmə prosesində o, yekun sözlə çıxış edib. Hüquq müdafiəçisi qeyd edib ki, ittihamın mahiyyətinə ətraflı varmayacaq, çünki vəkillər müdafiə tərəfinin mövqeyini ətraflı açıqlayıblar.
Bununla yanaşı R.Cəfərov əlində olan bütün sənədləri nədən məhkəməyə təqdim etməməsi ilə bağlı dövlət ittihamçısının iradlarını şərh edib.
Əsasən o, istintaqa həbsindən öncəki bütün sənədləri təqdim edib. Həbsdən sonra qalan sənədlər də məhkəməyə verilib.
“Bu, prokurorun bildirdiyi kimi, təkcə donorlardan məktublar deyil. Biz layihələrin icrasını təsdiqləyən sənədləri də təqdim etmişik”, - R.Cəfərov vurğulayıb.
R.Cəfərov zərərçəkənlərin onunla dost olduqları üçün onun əleyhinə ifadə verməkdən imtina etmələri barədə prokurorun fikirlərini əsassız adlandırıb.
R.Cəfərovun beş zərərçəkəndən yalnız Əhməd Heybətovla dostluq münasibəti var, belə ki, məktəbdə bir yerdə oxuyublar. Digərlərini layihələrin reallaşması zamanı tanıyıb.
R.Cəfərov qeyd edib ki, böyük ədaləsizlik və əsassız həbslə üzləşib. Lakin heç kimə qarşı qəzəbli deyil, sadəcə öz hüquqlarının bərpasını istəyir. Sonda o, məhkəməni ona bəraət verməyə çağırıb.
Bundan sonra hakim Eldar İsmayılov məhkəmənin məşvərətə getdiyini bildirib. Hökm sabah oxunacaq, lakin dəqiq vaxtı bəlli deyil.
Xatırladaq ki, prokuror R.Cəfərovun 9 il azadlıqdan məhrum olunmasını istəyib.
2014-cü il avqustun 2-də qanunsuz sahibkarlıq, vergi ödənişindən yayınma, vəzifə səlahiyyətindən sui-istifadə ittihamları ilə həbs olunan R.Cəfərov sonradan pul mənimsəməkdə və saxtakarlıqda ittiham olunub.
Amnesty İnternational təşkilatı Rəsul Cəfərovun “vicdan məhbusu” kimi tanıyıb.-06В-
-
- İqtisadiyyat
- 15 Aprel 2015 13:45
-
- İqtisadiyyat
- 15 Aprel 2015 14:11
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz