![R.Hacılı: İctimaiyyətə müraciət son çıxış yoludur](https://turan.az/resized/750/500/resize/media/2014/main/052200079383.jpg)
R.Hacılı: İctimaiyyətə müraciət son çıxış yoludur
“Azadlıq” qəzetinin rəhbərliyi bu media qurumunun düşdüyü ağır maliyyə durumu ilə bağlı cümə axşamı RATİ-də mətbuat konfransı keçirib.
Qəzetin redaktoru Rahim Hacılı maliyyə baxımından qəzetin durumunu “olduqca ağır” kimi dəyərləndirib. O qeyd edib ki, 2012-ci ilin aprelindən “Qasid” yayım firması qəzetin satışından yaranan maliyyə vəsaitini qəzetə ödəməkdə problemlər yaşayıb. Hazırda firmanın qəzetə 70 min manat borcu olsa da, bunu ödəyə bilmir. Bu fakta etiraz olaraq qəzet kollektivi dəfələrlə firma önündə aksiyalar keçirib. “Qasid” rəhbərliyi hər dəfə aksiyada kollektivin önünə çıxaraq pulu ödəyəcəyi vədi versə də, bu söz olmaqdan o yana keçməyib. “Vəziyyətin ciddiliyini ifadə edə bilmək üçün deyim ki, ağır maliyyə durumu üzündən 30 nəfərlik kollektivin son 2 aylıq maaşları belə öbənməyib”, - deyə R.Hacılı durumu anladıb.
Bundan əlavə, qəzetin metroda satışına qadağa qoyulub, səyyar yayım məhdudlaşdırılıb, KİV-lərin İnkişafına Dəstək Fondu qəzetlə əməkdaşlığa son qoyub. “Bu isə o deməkdir ki, qəzetin bütün gəlir mənbələri əlindən alınıb, faktiki fəaliyyətini dayandırmağa məhkum edilir”, - deyə redaktor durumun ciddiliyinə işarə edib.
Bununla yanaşı, qəzetin çap olunduğu “Azərbaycan” nəşriyyatı media qurumunun çapından imtina edir. Belə ki, qəzet “Qasid” yayım firmasından maliyyə vəsaitini ala bilmədiyi üçün nəşriyyata 18 min manat borcu yaranıb. Nəşriyyat rəhbərliyi buna görə qəzetin çapından imtina edir. R.Hacılının sözlərinə görə, “Qasid” hər həftə qəzetə ancaq 1 min manat pul ödəyir ki, bu da olduqca azdır. Buna görə də firmanın qəzetə borcu 70 min manata gəlib çıxıb.
R.Hacılı mətbuat konfransı keçirməyin əsas məqsədinin qəzetin ağır durumu ilə bağlı ölkə ictimaiyyətinə müraciət etmək olduğunu söyləyib. “Bu son çarədir, başqa bir yolumuz da faktiki qalmayıb, ictimaiyyət ən ağır vaxtlarda “Azadlıq”a dəstək olub və ümid edirik ki, bu müstəqil qəzetin yaşaması naminə yenə də dəstəyini əsirgəməycək”, - deyə R.Hacılı bildirib.-05C-
-
- Sual-cavab
- 22 May 2014 16:18
-
- Cəmiyyət
- 22 May 2014 17:46
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz