Kriminal avtoritet Rövşən Canıyevin (Lənkəranski) cənazəsi ötən gecə İstanbuldan çarter reysilə Lənkərana gətirilib. Hava limanında cənazəni minlərlə adam “Allahu Əkbər” sədaları ilə qarşılayıb.
Ötən gün Beşiktaşda güllələnən R.Canıyev və onun sürücüsü ölüblər. Cinayətkarlar gizlənib.
CNNTurk telekanalının məlumatına görə, cənazə tanınmış azərbaycanlı iş adamı, Palmali şirkətinin sahibi Mübariz Mənsimovun şəxsi təyyarəsində gətirilib.
Cümə günü saat 11:00-a yaxın R.Canıyev “Kiçik bazar” qəbiristanlığında öz atasının yanında dəfn edilib. Yerli hakimiyyət və polis gücləndirilmiş təhlükəsizlik tədbirləri görüblər. Matəm mərasimində minlərlə yerli və qonşu rayonların sakinləri iştirak edib.
Lakin indiyədək DİN Azərbaycan vətəndaşının Türkiyədə öldürülməsinə və onda saxta pasportun olmasına münasibət bildirməyib. Türkiyə hakimiyyəti də İnterpol tərəfindən axtarışda olan R.Canıyevin Türkiyə ərazisində nə etdiyi barədə açıqlama verməyib.-16/B03-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz