Rüfət Səfərovun işgəncələrlə bağlı şikayəti təmin olunmayıb
Bakı/26.10.17/Turan: Xətai Rayon Prokurorluğu keçmiş müstəntiq, 9 saylı koloniyada saxlanılan Rüfət Səfərovun şikayətini təmin etməyib. Bu barədə Turan-a onun atası Eldar Sabiroğlu bildirib.
Onun sözlərinə görə, Xətai prokurorluğunda R.Səfərovun vəkili Bəhruz Bayramovun təqdim etdiyi şikayət əsasında araşdırma aparılıb. Ancaq prokurorluq cinayət işi qaldırmaqdan imtina edib.
Bundan əlavə, prokurorluğun qərarına 9 saylı koloniyadan verilmiş xasiyyətnamə də əlavə olunub ki, burada da R.Səfərov "müəssisənin normal fəaliyyətinin pozulmasına yönələn hərəkətlər törədən, əməkdaşları şantaj edən, dövlətçiliyə qarşı çıxan, müxalifətyönlü təbliğat aparan, zəifləri öz təsir altına almağa çalışan, özünə və ətrafdakılara bədən xəsarətləri yetirməyə meylli şəxs kimi təqdim edilir.
E.Sabiroğlu hesab edir ki, bu cür xasiyyətnamə adətən təhlükəli cinayətkarlara, residivistlətə verilir.
"Rüfətlə hər şey ola bilər. Rüfət dəli deyil, ruhi xəstə deyil. Xasiyyətnamədən belə çıxır ki, onu ciddi təhlükə gözləyir və buna zəmin hazırlanır", - E.Sabiroğlu güman edir.
*Rüfət Səfərov Zərdab Rayon Prokurorluğunun müstəntiqi olub. 2015-ci il dekabrın 15-də hüquq-mühafizə orqanlarındakı qanunsuzluqlar barədə bəyan edərək istefa verib.
Həmin il dekabrın sonunda R.Səfərova qarşı rüşvət almaq ittihamı ilə cinayət işi başlayıb. 2016-cı ilin sentyabrında Lənkəran məhkəməsi R.Səfərovu 9 il azadlıqdan məhrum edib.
Rüfət Səfərov YAP-dan keçmiş deputat, Müdafiə Nazirliyinin mətbuat xidmətinin keçmiş rəhbəri Eldar Sabiroğlunun oğludur.-05B06-
-
- İqtisadiyyat
- 26 Oktyabr 2017 11:32
-
- İqtisadiyyat
- 26 Oktyabr 2017 11:59
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz