![Rüfət Səfərovun işi üzrə məhkəmə başlayıb](https://turan.az/resized/media/2016/main/080800164870-750-500-resize.webp)
Rüfət Səfərovun işi üzrə məhkəmə başlayıb
Bazar ertəsi Lənkəran Ağır Cinayətlər Məhkəməsində hakim Asim Hacıyevin sədrliyi ilə Zərdab rayon Prokurorluğunun keçmiş müstəntiqi Rüfət Səfərovun işi üzrə məhkəmə istintaqı başlayıb.
Bugünki iclasda ittiham aktı oxunub. İş materiallarına əsasən, Rüfət Səfərov 2014-cü ildə Əlibəyli kənd bələdiyyəsinin sədri Elçin Xəlilovdan 1000 manat, rayonun Elektrik Şəbəkəsinin məsul işçisi Ələmdar Abbasovdan 700 manat, Zərdabın Baytarlıq İdarəsinin əməkdaşı Mənsur Pənahovdan 500 manat, Mədəniyyət və Turizm şöbəsinin rəhbəri Eldəniz Abdullayevdən 3 min manat rüşvət alıb.
İstintaqın iddiasına görə, bu pullar adları çəkilən şəxslər barədə şikayətlərin rədd edilməsi, cinayət işi başlanmaması məqsədilə verilib.
Səfərov özü məhkəmənin başlamasını Turan-a şərh edərkən bu ittihamları gülünc və qeyri-ciddi adlandırıb. Səfərov ona qarşı cinayət işinin əsl səbəbinin prokurorluq orqanlarını ictimai tənqidə məruz qoyması olduğunu düşünür. O, həmçinin qeyd edib ki, yaxşı işlədiyinə görə şəxsən Baş Prokuror Zakir Qaralovdan təşəkkür alıb. "Mən rüşvətxor olsaydım, mənə niyə təşəkkür edirdilər?", deyə Səfərov qeyd edib.
O, təkrar edib ki, prokurorluq orqanlarında qanunsuzluğa, özbaşınalığa etiraz əlaməti olaraq istefa verib.
Vəkil Bəhruz Bayramov öz növbəsində Səfərova rüşvət verənlərin cinayət məsuliyyətinə cəlb edilməsi haqqında xüsusi qərar çıxarılması barədə vəsatət verib. Çünki ölkə qanunlarına görə, rüşvət vermək cinayət hesab olunur. Məhkəmə vəsatəti təmin etməyib. Növbəti iclas sentyabrın 7-də keçiriləcək.
Xatırladaq ki, Səfərov parlamentin keçmiş deputatı və hakim Yeni Azərbaycan Partiyasının banilərindən biri, ötən il Prezident Administrasiyasının sədri Ramiz Mehdiyev ictimai tənqidə məruz qoyan Eldar Sabiroğlunun oğludur.
Dekabrda Səfərov hüquq-mühafizə orqanlarını qanun pozuntularına və pis işlədiyinə görə ictimai tənqid edib və prokurorluq orqanlarından istefa etdiyini bildirib. Öz növbəsində, prokurorluq Səfərovun "nalayiq davranışa görə" qovulduğunu bildirib.
Yanvarın 15-də Səfərov rüşvət almaq ittihamı ilə həbs olunub. Lakin yanvarın 22-də o, ev dustaqlığına buraxılıb. Səfərov ittihamı təkzib edir və cinayət işini siyasi sifariş hesab edir. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz