«Respublika» Təşəbbüs Qrupu dəyişikliklərə qarşı
Avqustun 8-də Müsavat Partiyası Divanının növbəti iclası keçirilib.
Xəbəri Müsavat Partiyasının mətbuat xidməti yayıb.
Xəbərə görə, toplantıda əsas müzakirə obyekti bu il sentyabrın 26-na təyin edilən Konstitusiyaya dəyişikliklər əleyhinə referendumun əleyhinə kampaniya aparmaq məqsədilə yaradılan “Respublika” təşəbbüs qrupunun qeydiyyatdan keçirilməsi üçün görülən işlər barədə məlumatı dinlənilib.
Partiyanın İcra Aparatının rəhbəri Gülağa Aslanlı deyib ki, Təşəbbüs Qrupunun ilk qeydiyyatı Mərkəz Seçki Komissiyasında rəsmiləşdirilib. Onun sözlərinə görə imza vərəqləri alınıb, 70-dən artıq təşkilata müəyyən edilən sayda imzal vərəqləri paylanıb. Bununla bağlı Divan üzvləri kurasiyalarında olan rayon təşkilatlarına imzatoplama işi barədə hesabat veriblər.
Bütövlükdə referenduma hazırlıqla bağlı indiyə qədər görülən işlər dəyərləndirilib. Divan bundan sonra görüləcək işlərin qrafikini müəyyən edib və Divan üzvləri arasında kurasiyalar üzrə iş bölgüsü aparıb.
Toplantıda Azərbaycanda dövlət idarəetməsinin tamamilə xalqın inisiativindən çıxararaq, bir qrupun nəzarətinə keçirilməsinin qanuniləşdirilməsinə qarşı Azərbaycan xalqının səfərbər edilməsinin vacibliyi vurğulanıb.
Xatırladaq ki, dövlət başçısı İlham Əliyev Konstitusiyaya dəyişikliklər edilməsilə bağlı rəy alınması üçün bu il iyulun 18-də Konstitusiya Məhkəməsinə Referendum Aktı layihəsi göndərib. İyulun 25-də Konstitusiya Məhkəməsi layihəyə müsbət rəy verib. İyulun 26-da isə İ.Əliyev sentyabrın 26-da referendum keçirilməsinə dair fərman imzalayıb.
Xatırladaq ki, layihədə prezidentlik müddətinin 5 ildən 7 ilə qaldırılması, birinci vitse-prezident və vitse-prezident institunun təsis olunması, parlament və prezidentliyə namizədlər üçün aşağı yas senzinin aradan qaldırılması, prezidentə parlamenti buraxmaq səlahiyyətinin verilməsi nəzərdə tutulur. -0-
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz