Rusiya gimnastları Azərbaycan adından çıxış edəcək
2004-cü il Afina Olimpiadasının idman gimnastikası üzrə medalçısı Anna Pavlova Azərbaycanın adından çıxış edəcək.
Həmçinin Avropa çempionu Konstantin Plujnikov və Rusiya birinciliyinin medal sahibi Yuliya İnışina Rusiya vətəndaşlığını Azərbaycan vətəndaşlığı ilə əvəz edib. Bu barədə Beynəlxalq Gimnastika Federasiyasının (FİG) rəsmi saytı məlumat yayıb.
Rusiya yığmasının dövlət məşqçisi Valentina Rodionenko İtar-Tass-a müsahibəsində bildirib ki, bu idmançıların getməsində qorxulu heç nə yoxdur. Onun sözlərinə görə, Rusiyaya həqiqətən lazım olanlar heç yerə getmirlər.
26 yaşlı Pavlovaya çoxdan Rusiya komandasına namizəd kimi baxılmır. “Pavlova indi sadə proqramlar həyata keçirir və yığmada onun xidmətlərinə ehtiyac yoxdur, buna görə o, başqa ölkənin adından çıxış etmək hüququna malikdir”, deyə Rodionenko qeyd edib.
İnışinanın gedişi ilə bağlı şərh verən trener deyib ki, indi gimnast pis formadadır, buna görə o, Azərbaycanın adından çıxış edəcək. “Plujnikova gəlincə, ötən il o, çiynində problem olması ilə əlaqədar Olimpiadaya hazırlaşmaqdan imtina edib.
Bu il iyulun 1-nə qədər o, bizim ştatda idi. Sonra Plujnikov ərizə yazdı və biz onu ştatdan çıxardıq. İndi o, sərbəstdir”, deyə Rodionenko bildirib.
Pavlova Afina Olimpiadasında komanda birinciliyində və tullanma üzrə medal qazanıb. Onun hesabında Avropa çempionatlarından dörd gümüş mükafat da var.
Plujnikov 2011-ci ilin kontinental birinciliyində halqalarla məşğələlərdə qızıl qazanıb.
İnışina 2012-ci il Rusiya çempionatında tirlər üzərində yarışda ikinci olub. O, London Olimpiadasında ehtiyat idmançı kimi yığmaya daxil edilib.
Bütün dünya üzrə legionerlərin yığılması Azərbaycan Nəqliyyat Nazirliyinin sevimli məşğuliyyətidir.
Hakimiyyət ödənişli idmançıların köməyi ilə idman səhnələrində real uğurlar olduğunu sübut etməyə çalışır. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz