Ruslan İzzətli hərbi xidmətə aparılır
Bakı/09.05.20/Turan: D18 Hərəkatının sədri Ruslan İzzətli hərbi xidmətə aparılacaq. 2007-ci ildən bəri həkim komissiyası onun dinc dövrdə hərbi xidmətə yararsız, müharibə dövrü üçün yararlı rəyi verib. Ruslan İzzətli hesab edir ki, hərbi xidmətə çağırılması onun hökumətin siyasətini kəskin tənqid etməsi ilə bağlıdır.
“Məqsədim hərbi xidmətdən yayaınmaq və çəkinmək deyil. Bu millət üçün hər zaman mübarizədəyik. 1 il hərbi xidmət bizi əqidəmizdən, yolumuzdan döndərməz. Amma bu faktları hər kəs bilsin deyə qeyd edirəm. Çünki mənim dinc dövrdə hərbi xidmətə getməməyim səhhətimlə bağlıdır. Hakimiyyətin isə sağlamlığımdakı problemlərə baxmayaraq məni hərbi xidmətə aparması siyasi cəzadır”, deyə o qeyd edib.
İzzətli məhkəməyə və prokurorluğa müraciət edəcəyini deyib.
“Hakimiyyətin qanunsuz olaraq məni əsgərliyə aparmaq istəyi və Səfərbərlik və Hərbi Xidmətə Çağırış üzrə Dövlət Xidmətinin Ağdam rayon şöbəsinin rəisi Elxan Feyziyevin vəzifə səlahiyyətlərindən istifadə edərək yekun aktı dəyişdirməsi, sənədləri saxtalaşdırması barədə məhkəməyə və prokurorluğa müraciət edəcəyəm. Artıq bu gün bununla bağlı hüquqi addımları atmağa qərar verdim”, deyə D18 Hərəkatının sədri bildirib.
Ruslan İzzətli deputatlığa namizdə olub, seçkilərin saxtakarlıq şəraitində keçirildiyini bildirib. D18 Hərəkatı bir neçə dəfə ofisindən çıxarılıb. “Bu təzyiqlərin əsas səbəbi isə seçki saxtakarlıqlarına qarşı etirazlarımdır”.
İzzətli hökumət nümayəndələrinin onunla dialoqa cəhd etdiyini deyib. “Dialoq prosesinə, "islahat nağılları"na inandırmağa çalışdılar ki, mən və rəhbəri olduğum qurum da prosesdə iştirak etsin. Amma artıq elçilik siyasətlərinin nəticə vermədiyini görən hakimiyyət əsgərliyə aparmaq ssenarisini işə saldı”.
İzzətlinin səhhəti ilə əlaqədar sülh dövründə hərbi xidmətə yararsız olduğu üçün 2007-ci ildə ona hərbi bilet verilib. O bildirib ki, sonuncu dəfə 2019-cu ildə tibbi komsissiyadan keçib və eyni nəticə təsdiqlənib.
“Bu il mayın 6-da da Ağdam hərbi komissarlığının işçilərinin iştirakı ilə rayon Mərkəzi Xəstəxanasında müayinədən keçdim. Müayinə nəticəsində yekun akt tərtib edildi. Aktda "sağ tərəfli böyrək daşı xəstəliyi, hər iki böyrəyin mikrofili'' diaqnozu qeyd edildi”.
Həkimlərin diaqnozuna baxmayaraq, sonradan onun sülh dövründə hərbi xidmət üçün yararlı olması qərarı qəbul edilib. Bakıda tibbi komissiya da eyni nəticəyə gəlib.
“Sənədin dəyişdirilməsinin və saxtalaşdırılmasının cinayət olduğunu Bakıdakı komissiyaya bildirsəm də, reaksiya verilmədi. Hətta mənə verilən yekun aktı da təqdim etdim. Həkimlər sənədin dəyişdirildiyini görsələr də, nəticəyə təsir edə bilməyəcəklərini dedilər. Anladım ki, məni cəzalandırmaq üçün əmr yuxarıdan verilib”, deyə o qeyd edib.
Rəsmi qurumlar D18 Hərəkatının rəhbərinin bəyanatına hələ şərh verməyib. -0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz