Açiq mənbələrdən foto.
Bakı/12.04.23/Turan: Martın 13-də Saatlı rayonunda su problemi ilə bağlı etiraz aksiyası zamanı inzibati qaydada 20 sutka müddətinə həbs olunmuş Anar Hüseynov təzyiqlərin davam etdiyini bildirir.
O, Turan-ın müxbirinə bildirib ki, aprelin 11-də inzibati həbsdən çıxan ictimai fəal Elvin Mustafayevi (Atilla Xan) qarşılamağa gedəndən sonra Saatlı Rayon Polis Şöbəsinə çağırılıb. "Elvin bəyi qarşılamaq üçün şöbəsinin qarşısına gəldim, məni görüb rəis müavinin yanına çağırıblar. Mənə orada hədələr, təhdidlər gəlib, deyiblər ki, mən onlara problem yaratmışam, məni həbs edəcəklər və heç bir səbəb olmadan 3 saatdan artıq şöbədə saxlayıblar".
Onun sözlərinə görə, həbsdən buraxılandan sonrakı müddət ərzində onu izləyiblər. "Kimlə görüşmüşəm, nə danışmışam, hamısını mənə şöbədə dedilər. Deməli məni izləyirlər. Bildirdilər ki, heç bir səbəb olmadan həbs edə bilərlər, çünki polisə problem yaradıram".
Məsələ ilə bağlı DİN-in Mətbuat Xidmətinin Şirvan regional qrupunun baş inspektoru, polis kapitanı Nizam Həmidov Turan-a bildirib ki, vətəndaşın səsləndirdiyi iddialar əsassızdır. "Belə bir hal baş verməyib", deyə o qeyd edib. 21B06
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz