Zamin Salayev
Bakı/12.04.23/Turan: Xalq Cəbhəsi Partiyasının üzvü Zamin Salayev 1 saylı Bakı İstintaq Təcridxanasında 65 gündür aclıq edir. Bu barədə Turan-a bu gün İstintaq Təcridxanasında onunla görüşən vəkil Fəxrəddin Mehdiyev bildirib.
Vəkilin sözlərinə görə, Salayevin vəziyyəti ağırdır. "O, artıq gəzə bilmir. Görüşə nəzarətçilər qolundan tutub gətirmişdilər. Güclü başgicəllənmələri var, bədənində yaralar əmələ gəlib. O, həddindən artıq arıqlayıb", deyə vəkil bildirib.
Salayev hələ də sanitar hissəyə keçirilməyib. Vəkil qeyd edib ki, vəziyyətinin ağır olmasına baxmayaraq, Salayev aclığı davam etdirmək niyyətindədir.
* Fevralın 8-də Bakının Qaradağ Rayon Məhkəməsi Salayevi üç ay müddətinə həbs edib. Ona qarşı CM-in 221.3-cü maddəsi ilə cinayət işi açılıb. Fəalı 5 ilədək azadlıqdan məhrumetmə cəzası gözləyir.
Zamin Salayev məhkəmədə ona qarşı irəli sürülmüş ittihamın yalan olduğunu və sosial şəbəkələrdə hakimiyyəti tənqid etdiyinə görə cəzalandırıldığını bildirib. 30C06
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz