Sabirabad sakini FHN-in hədəsindən qorxmadı
Sabirabad rayonunun Azadkənd kənd sakini Vidadi Hüseynov nazir Kəmaləddin Heydərovla görüş zamanı Fövqəladə Hallar Nazirliyini korrupsiyada ittiham edib.
Hadisə iyunun 13-də FHN rəhbərinin Salyanda ictimaiyyətlə görüşü zamanı baş verib.
Vidadi Hüseynov nazirlə qızı Arzunun problemi barədə danışıb. Onun evi 2010-cu ilin daşqınları zamanı yararsız hala düşüb, amma zərərçəkənlərə kömək dövlət proqramı çərçivəsində yenidən tikilməyib.
Hüseynov bu məsələ ilə bağlı FHN-lə məhkəmə çəkişməsindədir. Bu, nazir Heydərovla görüşdə diqqətdən kənarda qalmayıb. http://obyektiv.tv-yə intervyüsündə Hüseynov bəyan edib ki, nazir onu yalan informasiya verdiyi üçün cinayət işi qaldırılacağı ilə hədələyərək şantaj etmək istəyib.
Amma nazirin gözlədiyinin əksinə olaraq, Hüseynov geri çəkilməyib və bəyan edib ki, FHN istintaqa cəlb edilməlidir. Çünki evin birini 60 min manata tikdiyini bildirir, halbuki reallıqda bir ev 10 min manata başa gəlib. Daşqının nəticələrinin aradan qaldırılması üzrə yerli dövlət komissiyasının üzvü olan Hüseynov Heydərova deyib ki, onda korrupsiya faktları var. Məsələn, Rusiya vətəndaşlığı olan şəxslər üçün evlər tikilib.
Heç kəs məni qorxuda bilməz, axı yerli məhkəmələrdə korrupsiya ilə bağlı iddialarım var, onları Avropa Məhkəməsində davam etdirmək niyyətindəyəm, deyə o bildirib.
Daşqının nəticələrinin aradan qaldırılması gedişində korrupsiyaya etiraz edən Hüseynov 2 il əvvəl yerli icra nümayəndəsi vəzifəsindən gedib.
Hazırda Hüseynov Bakıya gəlib. O, FHN-in qisasından və saxta ittihamla həbs ediləcəyindən çəkinir.
“Kür” Vətəndaş Cəmiyyəti Qərargahında Hüseynovun bəyanatını obyektiv hesab edirlər. Qərargah FHN tikən evlərin qiymətinin əsassız şişirdilməsi barədə rəsmi ekspertiza rəylərinə malikdir. Bu məlumatlar açıqlanıb və müvafiq dövlət orqanlarına verilib. Amma heç bir reaksiya olmayıb. FHN-in 2012-ci ildə Zaqatala və Balakəndə baş verən zəlzələnin nəticələrinin aradan qaldırılması üzrə işlərində də korrupsiya vəziyyəti müşahiə edilir.
Vidadi Hüseynovla görüşdən sonra FHN rəhbəri şikayətçilərlə görüşdən imtina edib və bu işi tabeliyində olanlara tapşırıb. Görüşə cəmi 300 vətəndaş yazılıb. —0—
Cəmiyyət
-
Oktyabrın 24-də paytaxtda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim şimal-qərb küləyi əsəcək. Havanın temperaturu 19 dərəcəyə qədər yüksələcək. Nisbi rütubət gecə 70-75, gündüz 50-55 faiz təşkil edəcək.
-
Kənd təsərrüfatı məhsullarının ixracından əldə olunan külli miqdarda pul vəsaitlərini ölkəyə qaytarmayan şəxslər müəyyən olunub.
-
2024-cü ildə Ailə, Qadın və Uşaq Problemləri üzrə Dövlət Komitəsinin 11 regional ofisinə erkən nikahlarla bağlı 31 ərizə daxil olub. Dövlət Komitəsinin əməkdaşları müdaxilə edib. Müraciətlərə əsasən, 18 halda erkən nikahın qarşısı alınıb, 5 ərizə isə əsassız hesab olunub. Bir müraciət qeyri-informativ olub, bu səbəbdən iş araşdırılmayıb. Üç müraciət üzrə Ailə Qrupunun əməkdaşları eyni ailələrlə bağlı əvvəlki məlumatların monitorinqi çərçivəsində yenidən ailələrə baş çəkiblər. Dörd halda söhbət artıq bağlanmış nikahdan gedirdi. Bu məlumat Turan Agentliyinin sorğusu əsasında Ailə, Qadın və Uşaq Problemləri üzrə Dövlət Komitəsi tərəfindən verilib.
-
Paytaxtın "Sabunçu keçidi" adlanan ərazisində yağış suları ilə dolu tuneldə daha bir nəfərin cəsədi aşkar edilib, bu barədə Baş Prokurorluğun mətbuat xidmətindən məlumat verilib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 196
Rəy yaz