Bakı/14.08.19/Turan: Sabirabadda qarayara xəstəliyindən bir nəfər ölüb. Bu barədə yerli sakinlər bildiriblər. Yerli sakin Tofiq Fərəcov vəfat edib. Bundan əlavə, bir neçə qəssab Bakıya xəstəxanaya gətirilib. Bir nəfər müalicə alaraq evə buraxılıb.
Mənbənin məlumatına görə, dünən bir neçə qəssab polisə çağırılaraq izahatları alınıb. Sakinlər deyiblər ki, xəstəliyin yayılmasına baxmayaraq, demək olar ki, heç bir qabaqlayıcı tədbir görülmür.
Səhiyyə Nazirliyində Turan-a təsdiqləyiblər ki, iyulun 29-da 60 yaşlı kişi qarayara xəstəliyindən ölüb.
"İyulun sonunda Sabirabad Mərkəzi Rayon Xəstəxanasının infeksiya şöbəsinə yüksək hərarətlə 2 nəfər müraciət edib. İlk öncə həkimlər onların hərarətinin soyuqdəymədən qalxdığını ehtimal ediblər. Analizlər İmişli Rayon Taun Əleyhinə Stansiyaya göndəriləndən sonra məlum olub ki, onlar qarayara xəstəliyinə yoluxublar. İyulun 25-də xəstələr ağır vəziyyətdə Bakı Kliniki Tibbi Mərkəzə yerləşdiriliblər. İyulun 29-da onlardan biri dünyasını dəyişib. Hazırda digər xəstənin müalicəsi davam edir", - Səhiyyə Nazirliyindən bildiriblər.
Sabirabad Rayon Mərkəzi Xəstəxanasında şərh verməkdən imtina ediblər.
Tibb məsələləri üzrə ekspert, həkim Adil Qeybulla bildirib ki, qarayaranın digər adı Sibir xorasıdır və bu, çox təhlükəli infeksion xəstəlikdir. Xəstəlik adətən adamlara təmasda olduqları heyvanlardan dəri vasitəsilə keçir. Xəstəlik tez yayılır və bütün daxili orqanları intoksikasiya edərək sıradan çıxarır. Bu da ölümə gətirib çıxara bilir.
Onun sözlərinə görə, xəstəlik aşkarlanarsa, həmin şəxs mütləq xəstəxanaya yerləşdirilməli və antibiotiklərlə terapiya edilməlidir, yaşadığı yer isə dezinfeksiya edilməlidir. Qarayara əleyhinə vaksin var.
"Bu vaksin Fransada ixtira edilib. Sovet vaxtında və indi Rusiyada istehsal olunur. Hazırda Azərbaycanda bu vaksinin olub- olmaması barədə bir söz deyə bilmərəm",- A.Qeybulla bildirib.
Qarayara Azərbaycanda 2014-cü ildə 10 nəfərdə, 2015-ci ildə 9, 2016-cı il- 10, 2017-ci il- 6, 2018-ci il - 9, 2019-cu ildə 7 nəfərdə qeydə alınıb. 21B--
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz