Sabirabadın Əsgərbəyli, Qasımbəyli, Yuxarı Axtaçı, Muradbəyli kənd sakinləri həbsdə olan hüquq müdafiəçisi İlham Əmiraslanovun azad edilməsilə bağlı dövlət başçısı İlham Əliyevə müraciət ünvanlayıblar.
Sakinlər dövlət başçısına 2010-cu ilin mayında sel daşqınlarına məruz qaldıqlarını, bununla bağlı dövlətin külli miqdarda vəsait ayırdığını, 2011-ci ildə Sabirabada səfəri zamanı insanlarla görüşünü xatırladırlar. Həmin görüşdə işritirak edənlərdən birinin indi həbsdə olan ictimai fəal və hüquq müdafiəçisi İlham Əmiraslanov olduğu yada salınır.
Daha sonra müraciətdə 2012-ci il iynun 4-də nazir Kəmaləddin Heydərovun iştirakı ilə Sabirabdda keçirilən görüş, bu görüşdə İlham Əmiraslanovun iştirakı, çıxışı qeyd edilir. Bu görüşdən cəmi 4 gün sonra İ.Əmiraslanovun həbsinin baş verdiyi vurğulanır.
Bu görüşdən sonra İ.Əmiraslanovun yaşadığı küçədə naməlum maşınların dolaşdığını, polislərin evinə gələrək evdə olub-olmaması, qapıda it saxlayıb-saxlamaması ilə maraqlanıblar. Nəhayət, iyunun 8-də səhər saat 10 radələrində İ.Əmiraslanov həbs edilib. Polislər İ.Əmiraslanovun həyətində özlərini kobud aparıblar, qab-qacağı, stol-stulları sındırıb təpikləyiblər. “Ilhamı qolubağlı həyətə gətridilər, vəziyyəti yaxşı görünmürdü, möhkəm döyülənə oxşayırdı”, - sakinlər müraciətlərində qeyd edirlər.
Sakinlər İ.Əmiraslanovun həbsinin səbəblərini öyrənmək üçün rayon İcra Hakimiyyətinə getsələr də onları qəbul etməyiblər, yalnız mətbuatdan hüquq müdafiəçisinin üzərindən tapança tapılması haqda məlumatlar öyrəniblər. Müəlliflər bu ittihamı yalan sayır, İ.Əmiraslanovun məhz ictimai fəallığına, sel daşqınlarından əziyyət çəkənlərin hüquqlarını müdafiə etdiyinə görə həbs olduğunu bildirirlər. Bu həbsi siyasi sifariş, məmur özbaşınalığı sayırlar.
Son olaraq müraciət müəllifləri dövlət başçısından İ.Əmiraslanovun azadlığa buraxılmasını xahiş edirlər. Müraciəti adları çəkilən kəndlərin 300-dən çox sakini imzalayıb.-05D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz