Şahbaz Quliyev yeniyetməni öldürdüyünü etiraf edib (YENİLƏNİB)
Xankəndində keçirilən məhkmədə bir Kəlbəcərli – Şahbaz Quliyev ifadə verib. Rus dilində pis danışan Quliyev qarışıq şəkildə Dilqəm Əsgərovu 1992-ci ildən tanıdığını bildirib. Onlar 2004-cü ildə Rusiyada yenidən qarşılaşıblar, həmin vaxt Əsgərov ona Qarabağa getməyi təklif edib.
Quliyev Həsən Həsənovla 2013-cü ildə tanış olub, o, silah gətirib və üçü birlikdə Kəlbəcərə yola düşüblər.
“Onlar nə isə çəkirdilər. Mən bilmirəm, bu məni maraqlandırmır”, deyə Quliyev bildirib. Daha sonra müttəhim kifayət qədər müfəssəl şəkildə qrupun rayonda necə hərəkət etdiyini, çayın yanında gecələdiyini, meyvə topladığını danışıb.
Quliyev yeniyetmə Smbat Tsakalyanın oğurlandığı anı görməyib. Daha sonra o deyib ki, Əsgərov yeniyetməni öldürməyi təklif edib. Quliyev ona kimin atəş açdığını bilmir.
Qrup Kəlbəcərə çatıb və Əsgərov kamera ilə şəhərə gedib, amma onu görüblər. Onlar itlə gəzən oğlan görüblər, Quliyev ona yalandan Gürcüstandan olduğunu və adının Aleksey olduğunu söyləyib. Oğlanın atası onların yanına çıxıb, çay və ya qəhvə təklif edib. Daha sonra bir mülki, digər hərbi geyimdə olan iki kişi gəlib. Quliyevin sözlərinə görə, mülki geyimli şəxs ona hücum edib, sonrasını isə xatırlamır.
İkinci müttəhim – Dilqəm Əsgərov iyulda çəkilmiş fotoşəkildəki insana çox az bənzəyir. -02D-
* * *
2014 Oktyab 27 (Bazar ertəsi) 17:24:50
Oktyabrın 27-də Qarabağda iki Azərbaycan vətəndaşı – Dilqəm Əsgərov və Şahbaz Quliyevin işi üzrə məhkəmə başlayıb.
Xatırladaq ki, sözügedən şəxslər iyulda Azərbaycanın Kəlbəcər rayonunda ermənilər tərəfindən saxlanılıblar.
Ermənistan tərəfi onları diversiya qrupunun üzvü elan edib və casusluqda, yerli sakinlərin qətlində və oğurlanmasında ittiham edib. Onlarla Həsən Həsənov adlı bir şəxs də olub, o, ermənilərlə atışma zamanı qətlə yetirilib.
Quliyev və Əsgərov xüsusi təyinatlıların müşaiyəti ilə gözübağlı şəkildə məhkəməyə gətiriliblər. Ermənistan KİV-lərinin yaydığı videoreportajlardan göründüyü kimi, onlar ikisi də xeyli arıqlayıb. Həm də Dilgəm Əsgərov kimi göstərilən şəxs özünə qətiyyən bənzəmir. Bu zəif və arıq şəxs Əsgərovun həbsindən sonra Ermənistan tərəfin yaydığı fotolarına qətiyyən bənzəmir.
Bir fakt da maraqlıdır ki, Əsgərov və Quliyev bir kürsüdə otursalar da, bir-biri ilə söhbət etmirlər və hətta bir-birinə baxmırlar. Adətən bir-birini tanımayan insanlar belə davranır. -02D-
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz