Açiq mənbələrdən foto.
Bakı/08.08.20/Turan: Avqustun 17-dən kafe, restoran və digər iaşə obyektlərinin yenidən işə başlaması imkanları öyrənilir. Bu barədə ölkə prezidentinin köməkçisi Şahmar Mövsümov şənbə günü brifinqdə bildirib.
“İctimai iaşə obyektlərinin açıq havada fəaliyyəti avqustun 17 - dən bərpa oluna bilər, avqustun 24-dən isə ölkə regionlarına getmək üçün icazə verilib”, - o deyib.
Mövsümov qeyd edib ki, bu məsələlər üzrə qərarların qəbul edilməsi epidemioloji vəziyyətdən asılı olacaq.
Xatırladaq ki, Azərbaycanın 13 şəhər və rayonunda ciddi karantin rejimi avqustun 31-dək davam edəcək.
Son həftələrdə hakimiyyət koronavirusa yoluxma sayının azalması fonunda karantin rejimini yumşaltmağa başlayıb. Yumşaltmanın növbəti mərhələsi avqustun 10-dan tətbiq ediləcək, ticarət və çox sayda istehsalat obyektlərinin fəaliyyətinə icazə veriləcək. Bundan öncə çimərliklərə getməyə icazə verilib.0-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz