Oktyabrın 27-də Şirvan Apellyasiya Məhkəməsinin hakim Ələsgər Novruzovun sədrliyi ilə satirik şair Tofiq Həsənlinin apellyasiya şikayəti üzrə proses başlayıb.
Tofiq Həsənli Lənkəran Ağır Cinayətlər Məhkəməsinin 22 avqust 2016-cı il hökmü ilə Cinayət Məcəlləsinin 234.4.3-cü maddəsilə (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma, külli miqdarda törədildikdə) təqsirli bilinərək 6 il müddətinə azadlıqdan məhrum edilib.
T.Həsənli iqtidarı və vəzifəli şəxsləri tənqidi şerləri ilə tanınır. O, lisenziyası ləğv edilmiş ANS televiziyasının “Qulp” verilişində, “Millətin səsi” və “Xural” qəzetlərində tənqidi şerləri ilə çıxış edib. Şair 2005-ci ildə narkotik maddə ittihamı ilə 3 il azadlıqdan məhrum edilib. 2007-ci ildə amnistiya sktı əsasında azadlığa buraxılıb.
T.Həsənli azadlığa çıxdıqdan sonra tənqidi şerlərini davam etdirib. O, sosial şəbəkələrdə tənqidi şerlərini dərc etdirib və öz səsi ilə Youtube şəbəkəsində yayıb.
Şair 2015-ci ilin yanvarında “Azadlıq” radiosuna müsahibəsində şeirlərinə görə hədələndiyini, həbs ediləcəyini bildirib.
2015-ci il oktyabrın 12-də T.Həsənli saxlanılıb.
Vəkil Elçin Sadıqov Turan-a bildirib ki, Şirvan Apellyasiya Məhkəməsi məhkəmə baxışını qismən məhkəmə istintaqı ilə aparır.
Vəkil birinci məhkəmə instansiyası zamanı ittiham tərəfinin belə şahidlərinin hamısının ifadə vermədiyini bildirib. “Bu gün şair ona qarşı irəli sürülən narkotik maddə ittihamını qəbul etmədiyini bildirdi. O, tənqidi şerlərinə görə həbs edildiyini dedi.
Tofiq Həsənli satıcılıq etdiyi dükanda həbs edilib. O, dükanı bağlamağa hazırlaşarkən yaşadığı ərazidə hamının narkoman kimi tanıdığı şəxs dükana girib, Həsənli onu dükandan çıxardıqdan sonra qapını bağlayıb, oradan uzaqlaşarkən polis əməkdaşları onu saxlayaraq geri qaytarıblar. Şair məhkəmə dedi ki, saxlanılarkən onu butulka ilə zorakılıqla hədələyərək narkotik vasitəni etiraf etməyə məcbur ediblər. Cibinə və dükanına narkotik maddə yerləşdiriblər, sonradan narkotik vasitələri tapılma kimi rəsmiləşdiriblər”, - vəkil qeyd edib.
Vəkilin sözlərinə görə, hal şahidləri əvvəlki işlərdə də şahidlik edib. “Qanun hal şahidlərinin istintaqla əməkdaşlıq etməsini qadağan edir. Ona saxlandıqdan sonra ailəsi və istədiyi vəkillə əlaqə saxlamağa da imkan verilməyib. İstintaq zamanı da onun hüquqları kobud şəkildə pozulub”, - E.Sadıqov bildirib. -03B-
Cəmiyyət
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
-
Tanınmış ictimai xadim, Müharibə, Əmək və Silahlı Qüvvələr Veteranları Təşkilatının sədri Fatma Hüseyn qızı Səttarova 102 yaşında vəfat edib.
-
2024-cü ilin ilk yeddi ayında Azərbaycanda cinayətkarlığın kəskin azalması qeydə alınıb və bu, ölkənin ictimai təhlükəsizliyi artırmaq və hüquq-mühafizə orqanlarının səmərəliliyini yüksəltmək istiqamətindəki səylərinin əhəmiyyətli bir nailiyyəti hesab olunur. Daxili İşlər Nazirliyinin məlumatına görə, 2024-cü ilin yanvar-iyul aylarında 18,518 cinayət qeydə alınıb ki, bu da 2023-cü ilin eyni dövrü ilə müqayisədə 21,7% azdır.
Rəy yaz