Salyan fəalı polisdə təzyiqlərə məruz qaldığını bildirir (YENİLƏNİB)

Ötən gün Salyanda həbs olunmuş “Demokratiyaya Yardım” QHT-nin üzvü Tofiq Qasımov həmi gün Bakıya Kürdəxanı təcridxanasına göndərilib.

Bu gün o, doğmalarına bildirib ki, Salyan polisində   ona təzyiqlər edilib və bu səbəbdən sözügedən qurumun rəhbəri E.Məmmədova böhtan atmalı olub. O həmçinin xahiş edib ki, ona müstəqil vəkil tutsunlar. Bu barədə Turan-a T.Qasımovun yaxın qohumları bildiriblər.

Xatırladaq ki, T.Qasımov aprelin 4-də 10 sutkalığa həbs olunub. Bu müddət başa çatdıqdan sonra ona qarşı zorla pul tələb ittihamı irəli sürülüb.

Yerli fəallar hesab edirlər ki, T.Qasımova və E.Məmmədova qarşı təxribat törədilib və onlar hüquq-müdafiə fəaliyyətinə görə təqiblərə məruz qalıblar.—06B--

2014 Aprel 18 (Cümə) 12:07:07

Salyan “Demokratiyaya Yardım” QHT-nin üzvü Tofiq Qasımov saxlandıqdan 65 saat (48 saat nəzərdə tutulur) sonra iki ay müddətinə həbs edilib. Bu barədə Turan-a “Demokratiyaya Yardım” QHT-nin rəhbəri Emil Məmmədov bildirib.

Xatırladaq ki, T.Qasımov aprelin 4-də kiçik xuliqanlıqda ittiham olunaraq 10 sutkalığa həbs olunub. Aprelin 14-də həbs müddətinin bitməsinə baxmayaraq, onu azad etməyiblər, zorla pul tələb etməkdə şübhəli şəxs kimi saxlayıblar. Məhkəmənin qərarı olmadan vətəndaşı şübhəli qismində 48 saatdan çox saxlamaq olmaz.

Aprelin 17-də səhər T.Qasımovla E.Məmmədov arasında üzləşmə olub. O, QHT rəhbərinə böhtan atıb. Bundan sonra (saat 12:00-a yaxın) onu həbs ediblər.

E.Məmmədov ehtimal edir ki, T.Qasımovu aldadıblar. Belə ki, QHT rəhbərinə böhtan atarsa, onu azad edəcəklərini vəd ediblər.

Eyni zamanda T.Qasımovun kobud şəkildə pozulub, çünki onu qanunsuz olaraq 17 saatdan çox həbsdə saxlayıblar.

Xatırladaq ki, aprelin 15-də T.Qasımov müstəqil vəkil Əlayif Həsənovun xidmətlərindən imtina edib və vəkilə ehtiyacının olmadığını bildirib. Lakin aprelin 17-də E.Məmmədov ilə üzləşmə zamanı rayondakı müəssisələrin rəhbərlərindən zorla pul aldığını etiraf edib və bunu QHT rəhbərinin göstərişi ilə etdiyini bildirib. T.Qasımov dövlət vəkili ilə təmin edilib.

* Demokratiyaya yardım” QHT cənub regionunda ən fəal vətəndaş cəmiyyəti institutlarından biridir. Qurumun rəhbəri E.Məmmədov dəfələrlə rayon hakimiyyəti strukturlarında korrupsiya faktlarını açıqlayıb, həmçinin yerli sakinlərn hüquqlarının müdafiəsinə qalxıb. QHT hasilat sənayesində vətəndaş nəzarəti şəbəkəsinin bir sıra layihələsində iştirak edib.Bütün bunlar hakimiyyəti çox qıcıqlandırıb və fəala qarşı təqib kampaniyası başlayıb. O, dövlət əleyhinə fəaliyyətdə ittiham olunur.

*   Emil Məmmədov ziyalı, yüksək mənəviyyat  sahibidir. Onun fəaliyyəti sayəsində yod zavodunun administrasiyası ilə Neftçala yerli icması arasında ətraf mühitin qorunmasına, Salyanda neft mədəni ilə yerli icma arasında yerli infrastrukturun və ekologiyanın inkişafına dair sazişlər bağlanıb, Bakı-Ələt yolunun inşası zamanı yerli neftçilərin, işçilərin hüquqları müdafiə edilib. Bakı-Ələt yolunun inşası zamanı aşkar edilmiş bardaq şəklində qədim arxeoloji tapıntıların fəhlələr tərəfindən məhv edilməsinin qarşısı E.Məmmədovun sayəsində alınıb və Milli Elmlər Akademiyasına verilib. E.Məmmədov 2010-cu il Salyan rayonunda baş vermiş daşqınların nəticələrinin aradan qaldırılmasında mühüm rol oynayıb. Onun icra hakimiyyəti ilə əməkdaşlığı sayəsində çoxlu problemlər, əsasən kompensasiyaların verilməsi, sakinlərin evlə təmin olunması, Kür çayı məcrasının təhlükəsizliyi kimi məsələlər həllini tapıb. -06B--