Salyan rayon icra hakimiyyəti Turan agentliyinin və contact.az internet nəşrinin dekabrın 26-da dərc etdiyi “Salyan fəalı məmurları büdcə vasitələrini mənimsəməkdə ittiham edir” başlıqlı məlumatına reaksiya verib.
Məlumatda Salyanda fəaliyyət göstərən “Demokratiyaya yardım” ictimai birliyinin rəhbəri Emil Məmmədovun Azərbaycan prezidenti İlham Əliyevə rayona dövlət alqıları üçün ayrılan büdcə vasitələrindən istifadənin araşdırılması üçün komissiya göndərmək xahişi ilə göndərdiyi müraciətdən söhbət gedirdi.
Məmmədovun iddiasına görə, rayonda dövlət alqıları ilə bağlı müqavilələr real tenderlər olmadan bağlanır və formal müsabiqələrdə Salyan rayon icra başçısı Tahir Kərimov və Xüsusi Dövlət Mühafizə Xidmətinin rəisi general Vaqif Axundovla əlaqəsi olan şirkətlər qalib olur.
Öz növbəsində, Salyan rayon icra hakimiyyəti iddia edir ki, Məmmədov İlqar adlı yaxın qohumunun çörək sexinin tenderdə qalib olması üçün Maliyyə idarəsinə və rayonda fəaliyyət göstərən digər çörək zavod və sexlərinin rəhbərlərinə təzyiq edərək, onları bu tenderdən uzaq olmağa çağırıb.
O, əks halda həmin rəhbərləri şantaj, böhtan xarakterli yazılarla hədələyib.
Salyan rayon icra hakimiyyəti iddia edir ki, rayonda bütün tenderlər qanunvericilikdə nəzərdə tutulmuş qaydada keçirilir.
Rayon rəhbərliyi fəalı qərəzli olmaqda və öz qohumunun maraqlarını müdafiə etməkdə ittiham edir. -06D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz