2015 Noyabr 03 (Çərşənbə axşamı) 12:20:13
Noyabrın 2-də Şamaxıda bir qrup şəxs 1 noyabr parlament seçkilərinin nəticələrinə etiraz edib.
Sosial şəbəkədə yayılan məlumatlara görə, Şamaxı əhalisi noyabrın 1-də keçirilən səsvermənin gedişi zamanı müşahidə etdikləri saxtakarlıq faktları ilə əlaqədar gün ərzində bir neçə dəfə Dairə Seçki Komissiyasına müraciət etsələr də heç bir tədbir görülməyib.
Bununla bağlı noyabrın 2-də Youtube-da yerləşdirilən videoda Qəhrəman Şəhriyard seçki pozuntuları ilə bağlı prezident İlham Əliyevə müraciət edib.
Müraciətdə Şamaxı camaatının vəziyyətinin yaxşı olmadığını, problemlərin olduğunu qeyd edib.
O, öz müraciətində bildirib ki, noyabrın 1-də seçki günündə seçki bülletenləri sayılarkən işıqların sönüb, bundan istifadə edərək bütün seçki məntəqələrindən qutular oğurlanaraq Dairə Seçki Komissiyasına aparılıb.
Bununla belə o, seçkiyə qədər rayon icra başçısı tərəfindən təzyiqlər edildiyini ,insanlara hədə qorxu gələrək namizədlərlə görüşə çıxmaması ilə bağlı hədə -qorxu gəldiyini videoda deyib.
“Biz cənab prezidentdən xahş edirik bu ədalətsizliyə son qoyulsun. İcra başçısını, başçının müavinlərini Şamaxıdan millət vəkili seçiblər Ama Şamaxı camaatı seçməyib onu. Bizim vətəndaşlıq borcumuzdur ki, dövlətimizlə, millətimizlə prezidentlə birlikdə dövlətimizə dəstək olaq. Bu saxtakarlığa bir son qoymaq lazımdır””, - müraciətdə qeyd olunub.
Bundan sonra parlament seçkilərində qanun pozuntularının araşdırılmasını tələb edən aksiya iştirakçıları ilə polis arasında gərginlik yaranıb.
Aksiya iştirakçıları arasında deputatlığa namizədlərdən Vəfalı Fətullayev,Qəhrəman Şəhriyar da olub.
“Azadlıq” qəzeti bildirib ki, polis aksiyanı dağıdarkən zorakılıq edib, 5 nəfər saxlanılıb, amma sonradan azad edilib.-03D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz