Torpaqlardan təyinatı üzrə istifadə edilməməsinə görə cəza sərtləşir

  Azərbaycanda kənd təsərrüfatı təyinatlı torpaqlardan təyinatı üzrə istifadə edilməməsinə görə cəza sərtləşir. Prezident İlham Əliyev oktyabrın 30-da  «İnzibati Xətalar Məcəlləsinə düzəlişlərin edilməsi haqqında» qanunun tətbiqi barədə sərəncam imzalayıb. Əmlak, istifadə və icarə hüququnun pozulmasına görə cəza tətbiqi nəzərdə tutulur.

Bundan sonra torpaq sahəsinin məqsədli təyinatına uyğun olmayan başqa məqsədlər üçün istifadə edilməsinə görə, fiziki şəxslər 300, vəzifəli şəxslər 600, hüquqi şəxslər 3 min manat miqdarında cərimə edikləcəklər. 88-1-də nəzərdə tutulmuş xətanın kənd təsərrüfatı təyinatlı torpaqlara münasibətdə törədilməsinə görə fiziki şəxslər 500, vəzifəli şəxslər 1000, hüquqi şəxslər 5 min manat miqdarında cərimə olunacaqlar.

Qanun sentyabrın 30-da qəbul olunub. Prezident İnzibati Xətalar Məcəlləsinə düzəliş təklifini mayda göndərib.

Əvvəllər «İqtisadi Təşəbbüslərə Yardım» QHT-nin sədri Azər Mehdiyev qeyd edib ki, kənd təsərrüfatı təyinatlı torpaqlardan təyinatı üzrə istifadə edilməməsi anlayışı hüdudlandırılmalıdır. Çox vaxt kəndlilər vəsait olmaması, məhsulu satmaqda çətinliyə görə torpaqdan istifadə edə bilmir. Bundan istifadə edən varlılar bu torpaqları alır. Bu qanunun qəbulundan sonra proses sürətlənəcək.

Azərbaycanda torpaqların özəlləşdirilməsinə 1996-cı ildə başlanılıb. Ölkədə 4757,2 min ha kənd təsərrüfatı təyinatlı torpaq var. Bunun  29,2%-i kəndilərə verilib. İslahat vaxtı  870 min kəndli torpağı olub. Onların hərəsinə 1,6 ha torpaq düşüb. Bu, istehsalın rentabelliliyini təmin edə bilməzdi. Qalan torpaqlar naməlum məntiqlə dövlət və bələdiyyələrə qalıb. Sonralar həmin torpaqlar su qiymətinə məmurlara verilib və onlar faktiki olaraq latifundiyaçılara çevrilib. Bu, qədrim Roma müstəmləkəçilik dövründə Amerika ölkələri üçün xarakterik olub.

Azərbaycanda torpaq islahatından sonra əhalinin şəhərlərə axını başladı. Kənd təsərrüfatında, xüsusən pambıqçılıq, taxılçılıq və s tənəzzül başladı. Rəsmi məlumata görə, eroziyaya uğrayan torpaq sahələri artıb. Kür-Araz ovalığında 500 min ha eroziyaya uğrayıb. Eroziyanın genilənməsinin digər problemi heyvandarlığın xaotik, qeyri rasional inkişafıdır. Mal-qara sayı artdığı üçün otlaqlarda bitkilərin bərpa olunması baş vermir.  —0-